استانادا ناۋرىز مەرەكەسى اياسىندا ۇسىنىلعان « ۇلى دالا ارۋى» اتتى الىپ ارت-ينستاللياتسياسى الەمدىك رەكورد رەتىندە تىركەلدى, دەپ حابارلايدى Egemen.kz.
جوبا ءداستۇرلى قازاقتىڭ قۇراق كورپە ۇلگىسىندە جاسالعان ۇلكەن پاننو تۇرىندە ۇسىنىلعان. ونىڭ بيىكتىگى 10 مەتر 35,5 سانتيمەتر, ال سالماعى 154 كيلوگرامنان اسادى. ينستاللياتسيا تولىقتاي قولمەن جاسالىپ, 3 250 «شاڭىراق-كۆادراتتان» قۇرالعان.
جوبانىڭ رەكوردىن Global Best of Records تىركەپ, ونى ەتنوديزاين مەن مادەني مۇرا سالاسىنداعى ەرەكشە جەتىستىك دەپ تانىدى.
الەمدىك رەكورد ورناتتى
« ۇلى دالا ارۋى» ينستاللياتسياسىن دايىنداۋعا ەلىمىزدىڭ تۇكپىر-تۇكپىرىنەن كەلگەن جۇزدەگەن ادام اتسالىستى. جوبا قازاقستاننىڭ 17 وبلىسىن بىرىكتىرىپ, ۇلتتىق قولونەردى ناسيحاتتاۋعا باعىتتالعان الەۋمەتتىك باستاما رەتىندە باعالاندى.
جەلى قولدانۋشىلارى بۇل جەتىستىكتى جىلى قابىلداپ, جوبا اۆتورلارىن قۇتتىقتاپ جاتىر.