قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2011 – 2015 جىلدارعا ارنالعان “سالاماتتى قازاقستان” مەملەكەتتىك باعدارلاماسى
مەملەكەت باسشىسى ن.ءا. نازارباەۆتىڭ “جاڭا ونجىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىندىكتەرى” اتتى 2010 جىلعى 29 قاڭتارداعى قازاقستان حالقىنا جولداۋىندا بەلگىلەنگەن مىندەتتەردى ىسكە اسىرۋ ماقساتىندا قازاقستان رەسپۋبليكاسىنىڭ دەنساۋلىق ساقتاۋ مينيسترلىگى “قازاقستان رەسپۋبليكاسى دەنساۋلىق ساقتاۋ سالاسىن دامىتۋدىڭ 2011-2015 جىلدارعا ارنالعان “سالاماتتى قازاقستان” مەملەكەتتىك باعدارلاماسىنىڭ جوباسىن ازىرلەدى. بۇل جوبا قازاقستان رەسپۋبليكاسىنىڭ 2020 جىلعا دەيىنگى ستراتەگيالىق دامۋ جوسپارىنا سايكەس ۇستىمىزدەگى جىلى ۇكىمەت ازىرلەنگەن ءتورت باسىم مەملەكەتتىك باعدارلامالاردىڭ ءبىرى بولىپ تابىلادى. باعدارلامانىڭ ماقساتى – قازاقستان ازاماتتارىنىڭ دەنساۋلىعىن جاقسارتۋ جانە ەلدىڭ الەۋمەتتىك-دەموگرافيالىق تۇراقتى دامۋىن قامتاماسىز ەتۋ ءۇشىن دەنساۋلىق ساقتاۋ جۇيەسىنىڭ باسەكەلەستىك قابىلەتتىلىگىن قالىپتاستىرۋ. بۇدان بۇرىن باعدارلاما پرەمەر-ءمينيستردىڭ ورىنباسارىنىڭ قاتىسۋىمەن وتكەن دەنساۋلىق ساقتاۋ مينيسترلىگىنىڭ كەڭەيتىلگەن القا ماجىلىستەرىندە, وبلىستاردىڭ, مەديتسينا مەكەمەلەرى باسشىلارىنىڭ, قوعامداستىقتار جانە ۇكىمەتتىك ەمەس ۇيىمدار وكىلدەرىنىڭ قاتىسۋىمەن وتكەن وڭىرلىك كەڭەستەردە, دەنساۋلىق ساقتاۋ جۇيەسىنىڭ جۇمىس سەمينارلارى مەن كونفەرەنتسيالارىندا تالقىلانىپ, بارلىق ەسكەرتۋلەر جيناقتالدى جانە نازارعا الىندى. قر پرەمەر-ءمينيسترى ك.ق. ءماسىموۆتىڭ تاپسىرماسىنا سايكەس جوبانى قابىلداۋ الدىندا وتكەن ساراپتاما ەسكەرىلە وتىرىپ, پىسىقتالعان قۇجات جوباسى جۇرتشىلىقتىڭ كەڭ تالقىلاۋىنا ۇسىنىلادى. ۇسىنىستارىڭىزدى مىنا ەلەكتروندى پوشتاعا جىبەرۋلەرىڭىزدى سۇرايمىز: mz@mz.gov.kzقر دەنساۋلىق ساقتاۋ مينيسترلىگىنىڭ ءباسپاسوز قىزمەتى
جوبا