سپورت

سامبو شاڭعاراەۆتىڭ شاكىرتتەرى — تاشكەنتتە سەنبى كۇنى تاشكەنتتە سامبودان ءۇش جاس مولشەرى بويىنشا ازيا چەمپيوناتى باستالدى. وعان سارى قۇرلىقتىڭ 21 ەلىنىڭ سامبوشىلارى قاتىسۋدا. قازاقستان قۇراماسىن چەمپيوناتقا باس باپكەر قايرات شاڭعاراەۆ باستاپ باردى. بۇل – ونىڭ ۇلتتىق قۇرامانى 1992 جىلدان بەرى جاتتىقتىرىپ كەلگەن كەرەي قويشىبەكتى الماستىرعاننان كەيىنگى العاشقى شەتەلدىك باسەكەسى. ازىرشە جاڭا باپكەردىڭ شاكىرتتەرى قالاي ونەر كورسەتەتىنىن ايتۋ قيىن. بۇرىندارى ك.قوي­­شى­بەك ۇلتتىق قۇرامانىڭ تىزگىنىن ۇستاپ تۇرعاندا وتان­داستارىمىز 9 سالماق دارەجەسىندە كەم دەگەندە 4 التىن جۇلدە جەڭىپ الاتىن ەدى. ەندى مۇنىڭ ءبارىن اپتا سوڭىنا دەيىن جالعاساتىن ازيا چەمپيوناتى كورسەتەتىن بولادى. بوكس ەكىنشى ءتۋرنيردىڭ ەرەكشەلىگى 28 ماۋسىم مەن 2 شىلدە ارالىعىندا استانادا بوكستان ەرەسەكتەر اراسىندا قازاقستان رەسپۋبليكاسى پرە­زيدەنتىنىڭ كۋبوگى جولىنداعى ءىى حالىقارالىق تۋرنير وتەدى. ايبا ەرەجەسى بويىنشا بيىل ەكىنشى رەت جالاۋىن كوتەرەتىن تۋرنيرگە بىرنەشە ەلدىڭ بىلعارى قولعاپ شەبەرلەرى قاتىسىپ, 11 سالماق دارەجەسىندە كۇش سىناسادى. بوكس فەدەراتسياسىنىڭ مالىمەتتەرىنە قاراعاندا, بيىلعى باسەكەنىڭ وتكەن جىلدارداعىدان ءبىر ەرەكشەلىگى, مۇندا ءاربىر جەكپە-جەك 3 مينوتتەن 3 راۋند بويىنشا وتە­دى. اتالمىش ءتۋرنيردىڭ ادەتتەگىدەي 4 راۋند ەمەس, 3 راۋند بويىنشا وتكىزىلەتىنىن بوكس ماماندارى ايبا-نىڭ ەرەجەلەرىنە سايكەس, سپورتتىڭ وسى ءتۇرىن دامىتۋعا جاسالىپ جاتقان جاعدايدىڭ ءبىر تۇرىمەن بايلا­نىستىرۋدا. ۆولەيبول قوس كوماندا — قۇرلىقتىق چەمپيوناتتا جاقىندا ۆولەيبولدان “الماتى” كومانداسى سەنبى كۇنى قىتايدا كلۋبتار اراسىندا باستالاتىن ازيا چەمپيو­ناتىنا اتتانىپ كەتتى. بۇل باسەكەدە “ا” توبىنا تۇسكەن وتانداستارىمىز جاپونيا, ۆەتنام, يندونەزيا جانە الاڭ يەلەرىمەن كۇش سىناسادى. چەمپيوناتتىڭ العاشقى كەزدەسۋلەرى بۇگىن وتەدى. ەرلەر اراسىنداعى ويىندار اياقتالعان سوڭ, جارىستى ودان ءارى بويجەتكەندەر جالعاستىرادى. ولار اراعا ەكى اپتا سالىپ, يندونەزيادا جالاۋىن كوتەرەتىن قۇرلىقتىق چەمپيوناتقا قاتىسادى. بۇل سىندا ەلىمىزدىڭ نامىسىن بيىلعى قازاقستان چەمپيونى “جەتىسۋ” كومانداسى قورعايتىن بولادى. قازاقستان ۆولەيبول قاۋىمداستىعىنىڭ باس حاتشى­سى ەرمەك سىرلىباەۆتىڭ ايتۋىنشا, ەرلەر جارىسى 13 ماۋسىمعا دەيىن سوزىلسا, ايەلدەر باسەكەسى 26 ماۋسىم مەن 4 شىلدە ارالىعىندا وتەدى. بىلتىر “الماتى” مەن “جەتىسۋ” كوماندالارى اتالمىش چەمپيوناتقا قاتى­سىپ, جۇلدەسىز قايتقان بولاتىن. ەندى بيىلعى سىندا وتانداستارىمىز وتكەن جىلى بىرىككەن اراب امىرلىك­تەرى مەن تايلاندتان كەتكەن ەسەنى قايتارۋعا بار كۇشىن سالادى. وسى جولعى چەمپيوناتتىڭ ايەلدەر كومانداسى ءۇشىن تاعى ءبىر ماڭىزدى جەرى, ەگەر “جەتىسۋ” بيىلعى باسەكەدە ۇزدىك ۇشتىكتىڭ قاتارىنا كىرەتىن بولسا, كەلەسى جىلى كلۋبتار اراسىندا وتەتىن الەم چەمپيوناتىنا قاتىسۋعا جولداما الادى. داستان كەنجالين.