بۇرىنعىدان بەس ەسە ءتيىمدى

جولاۋشىنىڭ دا جۇر­گى­زۋ­­شىنىڭ دە ۋاقىتىن ايتار­لىق­­­تاي ۇنەمدەيتىن بۇل جوبا كولىك­تەردىڭ قوزعالىسىن 15%-عا, قۇلجا تراكتىسىندەگى كەپتەلىستى 20%-عا تومەندەتۋگە سەپتەسەدى.

جولايرىق قۇرىلىسى الما­تى اكىمدىگىنىڭ تاپسىرىسى بو­يىنشا 2018 جىلى ازىرلەنىپ, 2019 جىلى قۇرىلىس-مونتاج جۇمىستارى باستالعان ەدى.

«توننەل اشىلعاننان كە­يىن جولايرىقتىڭ اينال­ما بولىگىندەگى كەپتەلىس ايتار­لىق­تاي تارقاتىلا تۇسەدى. بۇرىن ­جەر­استى بولىگى اشىلعانعا دە­­يىن بارلىق كولىكتەر اينالما ­جول ارقىلى جۇرەتىندىكتەن, ۇل­كەن كەپتەلىستەر پايدا بولۋشى ەدى. 2018 جىلى وسى جولايرىقتى سالۋ ارقىلى قۇلجا تراكتىسى مەن بۋحتارمينسكايا كوشەسى ارقىلى اۋەجايعا, تالعار مەن جالپى سولتۇستىك شىعىس-با­عىتقا قاراي وتەتىن كولىك­تەر قوزعالىسىن جەڭىلدەتۋ قا­جەتتىلىگى تۋرالى شەشىم قا­بىلدانعان ەدى», دەيدى الماتى قالالىق موبيلدىلىك باس­قار­ماسىنىڭ باسشىسى ساعىن­دىق تەلىباەۆ.

جوبانى جۇرگىزىپ وتىرعان «Bazis Construction» جشس مەر­دىگەر-كومپانياسىنىڭ وكى­لى ءارى نىساننىڭ باسقارۋ­شى دي­رەك­تورى فاريز تۋتادزە: «تۇرك­سىب اۋدانىنداعى جولاي­رىق سالۋ جونىندەگى ءىرى ينفرا­قۇ­رىلىمدىق جوبا 31 قازان­عا دەيىن تولىق اياقتالادى. بۇگىندە سۋ قۇبىرى جەلىلەرىن اباتتاندىرۋ مەن قايتا قۇرۋ جۇمىستارى جۇرگىزىلىپ جاتىر. توراپتىڭ كولىك وتكىزۋ قابى­لەتى 5 ەسەگە جۋىق وسەدى, ونى تاۋ­لىگىنە 340 مىڭعا دەيىن اۆتوموبيل پايدالانا الادى», دەدى.

وعان قوسا وسى جوبانىڭ اياسىندا قۇلجا تراكتىسى بويىن­شا ەستاكادانىڭ ارالىق قۇرى­لىسىن, بۋحتارمينسكايا كوشە­سىندەگى توننەل بولىكتى, سەزدەر مەن تۇيىسپەلەردى سالۋ بو­يىنشا جۇمىستار اياقتالدى. سونداي-اق سۋ قۇبىرى جەلىلە­رىن ابات­تاندىرۋ مەن قايتا قۇرۋ جۇمىس­تارى ءجۇرىپ جاتىر.

ورايى كەلىپ تۇرعاندا, بۇ­گىندە الماتىدا ءۇش ۇلكەن جولايرىق سالىنىپ جاتقانىن ايتا كەتۋگە بولادى. سەيفۋللين داڭعىلى – جانسۇگىروۆ كوشە­سىندەگى جولايرىق 2024 جىل­دىڭ سوڭىندا بەرىلۋگە ءتيىس. ال ساين كوشەسى – موڭكە بي كوشە­سىندەگى جولايرىقتىڭ موڭ­كە بي كوشەسى جاعى 2023 جىل­دىڭ سوڭىنا دەيىن اشىلادى. جاڭادان ىسكە قوسىل­عان بۋحتارمينسكايا كوشەسى – قۇلجا تراكتىسىندەگى قوزعالىس تولىق اشىلعانىمەن, اباتتاندىرۋ جۇمىستارى قازان ايىنىڭ سو­ڭىندا اياقتالادى.

الماتى