مەملەكەت باسشىسى قاسىم-جومارت توقاەۆ مىندەتىن ادال اتقارىپ كەلە جاتقان بارشا ۇستازدارعا العىس ءبىلدىردى, دەپ حابارلايدى Egemen.kz.
«جاڭا داۋىردە مەكتەپتىڭ جاعدايى مەملەكەتتىڭ دامۋىنا تىكەلەي ىقپال ەتەدى. ال مەكتەپتىڭ قانداي بولماعى ۇستازعا بايلانىستى. بۇگىندە پەداگوگيكا سالاسى عىلىمنىڭ ەڭ ماڭىزدى تارماعىنىڭ بىرىنە اينالدى. سوندىقتان, بۇل سالاعا تۇبەگەيلى جاڭا كوزقاراس قاجەت. زاماناۋي تەحنولوگيانىڭ كومەگىمەن ءبىلىم بەرۋ جۇيەسىن جەدەل ءارى ءتيىمدى جاڭعىرتۋعا بولادى. ءبىز ءبىلىم سالاسىن ەڭ ۇزدىك حالىقارالىق ستاندارتتارعا ساي دامىتۋىمىز كەرەك», دەدى مەملەكەت باسشىسى.
بۇدان سوڭ ول مۇعالىمدەردىڭ قاجىرلى ەڭبەگى جانە وقۋشىلاردىڭ دارىنى مەن تالابى ناقتى جەمىسىن بەرىپ جاتقانىن ايتتى.
«ۇستازى تالانتتى بولسا, شاكىرتى تالاپتى بولادى» دەيدى. مۇعالىمدەردىڭ قاجىرلى ەڭبەگى جانە وقۋشىلاردىڭ دارىنى مەن تالابى ناقتى جەمىسىن بەرىپ جاتىر. ورەندەرىمىز شيرەك عاسىردا الەمنىڭ ەڭ بەدەلدى ءپان وليمپيادالارىنان 12 مىڭعا جۋىق مەدال يەلەندى. بۇل – يزرايل, تۇركيا, كانادا سياقتى ءبىلىم ساپاسى جوعارى مەملەكەتتەرمەن شامالاس كورسەتكىش. وسىنىڭ ءبارى – سىزدەردىڭ تاباندى ەڭبەكتەرىڭىزدىڭ ارقاسى. مەن ءتۇرلى قيىندىققا قاراماستان, مىندەتىن ادال اتقارىپ كەلە جاتقان بارشا ۇستازدارعا زور العىسىمدى ايتامىن», دەدى پرەزيدەنت.