ونلاين ساقتاندىرۋ – وڭتايلى ءتاسىل

2017 جىلى مىندەتتى ساقتاندىرۋ تۇر­لە­رى بويىنشا ەلەكتروندىق شارتتارعا كوشۋ تۋرالى تالاپ زاڭنامالىق تۇردە ەنگىزىلدى. 2019 جىلدىڭ 1 قاڭتارىنان باستاپ ونلاين-ساقتاندىرۋدى ىسكە قوسۋ باستالدى. بۇگىنگى تاڭدا ساقتاندىرۋدىڭ مىن­دەتتى تۇرلەرى بويىنشا بارلىق شارت­تار­دىڭ 100%-ى ەلەكتروندىق فورمادا جاسالادى.

 «حالىق پەن بيزنەس ونىمدەردى كەڭ­سەگە بارماي-اق, قاشىقتان ساتىپ الا الادى, ساقتاندىرۋ قىزمەتتەرىنىڭ گەوگرا­فيا­لىق تۇرعىدان قولجەتىمدىلىگىنە بايلانىستى ماسەلە جويىلدى. مىندەتتى اۆتوساقتاندىرۋ – ساقتاندىرۋدىڭ ەڭ كوپ تاراعان جانە ەڭ تانىمال ءتۇرى. ساق­تاندىرۋدىڭ وسى ءتۇرى بويىن­شا تسيفر­لىق جۇيەلىك سەرۆيستەر بۇ­گىنگى كۇنى قازاق­ستاننىڭ بارلىق اۆتو­كولىك يەلەرىنە تانىس. بۇگىندە اۆتوساق­تان­دىرۋ شارتتارىن قاشىقتان جاساسۋ تاۋ­لىك بويى جۇزەگە اسىرىلادى. ساق­تان­دىرۋ شارتىن جاساسۋ كەزىندە جۇرگىزۋشىنىڭ دەرەكتەرى  ادىلەت, ىشكى ىستەر مينيسترلىكتەرىنىڭ, مدقب دەرەكقورلارىنان اۆتوماتتى تۇردە تارتىلادى», دەدى م.حادجيەۆا.

ساقتاندىرۋ سىياقىسى بسدق-دا ەسەپتەلەدى جانە تولەم ونلاين تولەمدەر ارقىلى, ياعني بانك كارتوچكالارىنان جۇزەگە اسىرىلادى. اۆتوكولىك يەسىنە قاعاز قۇجاتتاردى وزىمەن بىرگە الىپ ءجۇ­رۋ­دىڭ قاجەتى جوق, ويتكەنى جول پولي­تسەيلەرى اۆتوكولىكتى توقتاتپاي, ساقتان­دىرۋدى ونلاين رەجىمىندە تەكسەرۋگە مۇمكىندىك الادى.

قاشىقتان قىزمەت كورسەتۋدىڭ باس­تى ارتىقشىلىعى حالىقتى مىندەتتى اۆتو­ساق­تاندىرۋمەن قامتۋدى ارتتىرۋ بولدى. سوڭعى 3 جىلدا مىندەتتى اۆتوساقتاندىرۋ بويىنشا سىياقى جيناۋ 58%-عا ءوستى. مىندەتتى اۆتو­ساق­تان­دىرۋدى دامىتۋمەن قاتار كاسكو دەپ اتالاتىن ەرىكتى اۆتو­ساق­تان­دىرۋ دا دامۋدا.

«وتكەن جىلدىڭ قورىتىندىسى بويىنشا كاسكو سىياقىلارى دا 2 ەسەگە ۇلعايدى جانە ءبىز, ەڭ الدى­مەن, ەرىكتى اۆتوساقتاندىرۋدىڭ مۇن­­داي ءوسۋى اۆتونەسيەلەۋ جونىندەگى مەم­لە­­كەتتىك باعدارلامالاردىڭ ىسكە قوسى­لۋىمەن بايلانىستى دەپ ەسەپ­تەيمىز. تسيفرلاندىرۋدىڭ كەلەسى دامۋى­نا كەلەتىن بولساق, مۇندا ساقتاندىرۋ جاعدايلارىن قاشىقتان رەتتەۋدى اتاپ كورسەتۋ قاجەت. وتكەن جىلى 12 شىلدەدە مەملەكەت باسشىسى ساقتاندىرۋ سەكتورىن دامىتۋ ما­سەلەلەرى جونىندەگى زاڭعا قول قويدى. وسى زاڭمەن 2024 جىلدىڭ 1 قاڭ­تا­رى­نان باستاپ ساقتاندىرۋدىڭ بار­لىق مىندەتتى تۇرلەرى بويىنشا ساق­تان­­دى­رۋ جاعدايلارىن ونلاين رەتتەۋ ەنگى­زى­لە­دى», دەدى سپيكەر.

بۇل دەگەنىمىز – ساقتاندىرۋ ۇيىمدارى تاراپىنان كليەنتتەرگە تولىق قاشىقتان قىزمەت كورسەتۋگە كوشۋ. ساقتاندىرۋ تولەمىن الۋ تۋرالى شارت جاسالعان ساتتەن باستاپ ساقتاندىرۋ قىزمەتىن كورسەتۋدىڭ بارلىق ۇدەرىسى اۆتوماتتاندىرىلاتىن بولادى.

بۇگىنگى تاڭدا قازاقستاندا ۇلتتىق ساقتاندىرۋ نارىعىنىڭ تولىققاندى ينفراقۇرىلىمى قالىپتاستى. ۇزدىك حالىقارالىق تاجىريبە مەن رەتتەۋ ستاندارتتارىن بەلسەندى ەنگىزۋ ءجۇرىپ جاتىر. زاڭنامالىق بازانى جاقسارتۋ مەن جەتىلدىرۋ جانە ساقتاندىرۋدىڭ جاڭا تۇرلەرىن دامىتۋ باسەكەلى ساقتاندىرۋ نارىعىن قالىپتاستىرۋ ءۇشىن جاعداي جاسايدى.

ساقتاندىرۋ سەكتورىندا تاۋەكەلدەردى ازايتۋ ماقساتىندا قازاقستان رەسپۋب­لي­كا­سىنىڭ زاڭىمەن قارجى ۇيىمدارىن تاۋەكەلگە باعىتتالعان قاداعالاۋ ۇعىمى ەنگىزىلدى. بۇل ساقتاندىرۋ سالاسىنداعى ۇيىمداردىڭ قىزمەتىندەگى تاۋەكەلدەر مەن كەمشىلىكتەردى ۋاقتىلى انىقتاۋعا جانە بولدىرماۋعا مۇمكىندىك بەرەدى.ولاردىڭ قارجىلىق تۇراقتىلىعىن قامتاماسىز ەتۋ ءۇشىن ەرتە ارالاسۋ جانە ۋاقتىلى قاداعالاۋ ءىس-قيمىلدارىن قابىلداۋ مۇمكىندىگىن قامتاماسىز ەتەدى, بۇل نارىقتى ودان ءارى دامىتۋ ءۇشىن قاجەتتى جاعدايلار جاسايدى. ونلاين-ساقتاندىرۋ تەتىگىن ەنگىزۋ «تسيفرلى قازاق­ستان» مەملەكەتتىك باعدارلاماسى شەڭبەرىندە قويىلعان مىندەتتەرگە دە تولىق سايكەس كەلەدى.