قر پرەزيدەنتتىك ورتالىعى حالىقارالىق تۇركى مادەنيەتى مەن مۇراسى قورىمەن بىرلەسىپ, اباي قۇنانباي ۇلىنىڭ شىعارماشىلىعىنا ارنالعان «Abay Azarbaycanda va dünyada» اتتى ازەربايجان تىلىندەگى جيناقتىڭ تۇساۋكەسەرىن وتكىزدى, دەپ جازادى Egemen.kz.
ءىس-شاراعا قازاقستان مەن ازەربايجاننىڭ مەملەكەت جانە قوعام قايراتكەرلەرى, تۇركىتىلدەس ەلدەردىڭ ديپلوماتيالىق وكىلدىكتەرى مەن حالىقارالىق ۇيىمدارىنىڭ باسشىلارى, عالىمدار, جازۋشىلار, قازاقستاننىڭ جەتەكشى جوعارى وقۋ ورىندارىنىڭ ستۋدەنتتەرى قاتىستى.
باسىلىمدا ۇلى ويشىلدىڭ تۋىندىلارى, ونىڭ ءومىرى مەن شىعارماشىلىعى تۋرالى ماقالالارى ۇسىنىلعان. سونداي-اق جيناقتا اباي ەسكەرتكىشتەرى مەن مۇسىندەرى تۋرالى اقپارات بەرىلگەن.
باسىلىمنىڭ تارالىمى - 500 دانا. سونىمەن قاتار جيناقتىڭ ەلەكتروندى نۇسقاسى دا وقىرمان ءۇشىن قولجەتىمدى.
قازاقستان رەسپۋبليكاسى پرەزيدەنتتىك ورتالىعى ديرەكتورىنىڭ ورىنباسارى بوتاگوز قايىپوۆا ءوز سوزىندە اباي قۇنانباەۆتىڭ ەسىمى قازاق حالقىنىڭ عانا ەمەس, بۇكىل تۇركى الەمىنىڭ مادەني مۇراسىنا التىن ارىپتەرمەن جازىلعانىن اتاپ ءوتتى.
حالىقارالىق تۇركى مادەنيەتى مەن مۇراسى قورىنىڭ پرەزيدەنتى گيۋناي ەفەنديەۆانىڭ ايتۋىنشا, قوردىڭ كەزەكتى باسپا جوباسى بولىپ سانالاتىن بۇل جيناقتا ازەربايجانداعى اباي شىعارماشىلىعىنا دەگەن تەرەڭ سۇيىسپەنشىلىك پەن قۇرمەت كورىنىس تاپتى.
ءوز كەزەگىندە حالىقارالىق تۇركى اكادەمياسىنىڭ پرەزيدەنتى شاھين مەدجيد وگلى مۇستافاەۆ ۇلى فيلوسوف پەن اعارتۋشى بولعان اباي قۇنانباەۆتىڭ شىعارمالارى وسى كۇنگە دەيىن وزەكتىلىگىن جوعالتپاعانىن اتاپ كەتتى.
ءىس-شارا سوڭىندا قر پرەزيدەنتتىك ورتالىعى مەن حالىقارالىق تۇركى مادەنيەتى مەن مۇراسى قورى اراسىندا مەموراندۋمعا قول قويىلدى. بۇل قۇجاتتىڭ باستى ماقساتى – تۇركى مادەنيەتىنىڭ دامۋ تاريحىن زەردەلەۋ بويىنشا بىرلەسكەن مادەني-ءبىلىم بەرۋ جانە عىلىمي-زەرتتەۋ جوبالارىن ىسكە اسىرۋدا تىعىز ىنتىماقتاستىق ورناتۋ.