بوكسشى كارينا يبراگيموۆا حانچجوۋداعى (قىتاي) ءحىح جازعى ازيا ويىندارىنىڭ فينالىنا شىعىپ, كەلەسى جىلى وتەتىن پاريج جازعى وليمپياداسىنىڭ جولداماسىنا قول جەتكىزدى, دەپ حابارلايدى Egemen.kz تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتىنە سىلتەمە جاساپ.
57 كەلى سالماقتا سىنعا تۇسكەن كارينا جارتىلاي فينالدا ميدجونا سامادوۆانى ۇتتى. ەندى جازعى ازيا ويىندارىنىڭ التىن مەدالى ءۇشىن جەكپە-جەكتە تايبەي بوكسشىسىنا قارسى ايقاس وتكىزەدى. ازيا چەمپيونى, الەم بىرىنشىلىگىنىڭ ءۇش دۇركىن جۇلدەگەرى 27 جاستاعى كارينانىڭ ەنشىسىندە جازعى ازيا ويىندارىنىڭ التىن مەدالى جوق. ولقىلىقتىڭ ورنىن بۇتىندەۋ ءوز قولىندا.