پرەزيدەنت قاسىم-جومارت توقاەۆ قازاقستانداعى «شەلل» كونتسەرنىنىڭ 30 جىلدىعىنا ارنالعان سالتاناتتى جيىندا سويلەگەن سوزىندە كومپانيانىڭ الەۋمەتتىك جاۋاپكەرشىلىگىنە ارنايى توقتالىپ, ء وز جوبالارىندا جۇمىسقا جەرگىلىكتى كادرلاردى تارتۋعا ەرەكشە كوڭىل بولەتىنىن اتاپ ءوتتى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
«قاسىم-جومارت توقاەۆ كومپانيانىڭ الەۋمەتتىك جاۋاپكەرشىلىگىنە ارنايى توقتالدى «شەلل» ءوز جوبالارىندا جۇمىسقا جەرگىلىكتى كادرلاردى تارتۋعا ايرىقشا ءمان بەرەدى. بۇگىندە قاراشىعاناق جانە قاشاعان جوبالارىندا جۇمىس ىستەيتىن قىزمەتكەرلەردىڭ 95 پايىزدان استامى – قازاقستان ازاماتتارى. سونداي-اق اتالعان كونتسەرن «كۇن ەنەرگياسى – مەكتەپتەرگە», «شەلل ەكو-مارافونى» جانە باسقا دا جوبالاردى جۇزەگە اسىرا وتىرىپ, ەكولوگيالىق ماسەلەلەردى شەشۋگە جاستاردى بەلسەندى تارتادى. پرەزيدەنت ءوزىنىڭ جۋىرداعى جولداۋىندا شاعىن جانە ورتا بيزنەستى دامىتۋعا ەرەكشە نازار اۋدارعانىن ەسكە سالدى. ونىڭ پىكىرىنشە, «شەلل» بۇل ماسەلەنى شەشۋگە الەۋمەتتىك تۇرعىدان وسال ساناتتاعى جاس كاسىپكەرلەر مەن ايەلدەردى قولداۋ باعدارلامالارى ارقىلى ەلەۋلى ۇلەس قوسادى. كومپانيا ولارعا بينەس اشۋ ءۇشىن كەڭەس بەرۋ قىزمەتتەرى مەن باستاپقى كاپيتالدى ۇسىنادى. مەملەكەت باسشىسى كونتسەرننىڭ وسى باعىتتاعى قىزمەتىن كەڭەيتۋ ءۇشىن مول الەۋەت بار ەكەنىن اتاپ ءوتتى», دەلىنگەن اقپاراتتا.
«وتاندىق كاسىپكەرلەرمەن كەزدەسۋدە جەرگىلىكتى ينجەنەرلەر مەن كومپانيالاردى مىندەتتى تۇردە تارتا وتىرىپ, جوبالىق ديزاين كەڭسەلەرىن قازاقستانعا كوشىرۋگە جاردەمدەسۋدى تاپسىردىم. جەرگىلىكتى ءونىم ۇلەسىن ارتتىرۋ ءۇشىن وندىرۋشىلەرىمىزگە ءىرى مۇناي-گاز جوبالارىن ىسكە اسىرۋعا جول اشۋ ماڭىزدى. «شەلل» كونتسەرنىنىڭ بەلسەندى جانە كونسترۋكتيۆتى ۇستانىمى قازاقستان ەكونوميكاسىن ارتاراپتاندىرۋعا ەلەۋلى ۇلەس قوسىپ, كومپانيانىڭ ءيميدجىن ودان ءارى جاقسارتاتىنىنا سەنىمدىمىن», دەدى پرەزيدەنت.
ق.توقاەۆ تاۋەلسىز قازاقستاننىڭ ەنەرگەتيكا سالاسىن وركەندەتۋ جولىندا «شەلل» كونتسەرنى ستراتەگيالىق سەرىكتەستىڭ ءبىرى ەكەنىن, ەلىمىزدىڭ وركەندەۋىنە زور ۇلەس قوسىپ كەلە جاتقانىن باسا ايتتى.