حانچجوۋدا ءوتىپ جاتقان ازيا ويىندارىندا قازاقستان قۇراماسىنان ءتورت بوكسشى بۇگىن رينگكە شىعادى. بۇل تۋرالى Sport. kz سايتىنان ءمالىم بولدى, دەپ حابارلايدى Egemen.kz.
كۇندىزگى سەسسيادا قازاقستاننىڭ ەكى سپورتشىسى جانە كەشكى سەسسيادا ەكى سپورتشىسى شارشى الاڭعا شىعادى.
استانا ۋاقىتىمەن ساعات 13:15-تە ناتاليا بوگدانوۆا شارشى الاڭعا شىعادى. 66 كەلىگە دەيىنگى سالماقتا جۇدىرىقتاساتىن سپورتشىمىز شيرەك فينالدا موڭعوليالىق تسەتسەگداري مياگمارسۋرەنمەن كەزدەسەدى.
ساعات 14:45-تە جارتىلاي فينالدىق جەكپە-جەك وتكىزەتىن 92 كەلىگە دەيىنگى سالماقتاعى ساعىندىق توعامباي قىتايلىق حان سيۋەچجەنمەن جۇدىرىقتاسادى. اتالعان جەكپە-جەكتەردىڭ تىكەلەي ترانسلياتسياسىن بوكس جانكۇيەرلەرى Qazaqstan تەلەارناسىنان تاماشالاي الادى.
ساعات 17:15-تە 57 كەلىگە دەيىنگى سالماقتا كارينا يبراگيموۆا موڭعوليالىق نامۋن مونحورمەن شيرەك فينالدىق جەكپە-جەك وتكىزەدى.
ساعات 19:00-دە 63,5 كەلىگە دەيىنگى سالماقتاعى شيرەك فينالدا ەرتۋعان زەينۋللينوۆ موڭعوليانىڭ تاعى ءبىر وكىلى چينزوريگ بااتارسۋحينمەن قولعاپ تۇيىستىرەدى. اتالعان جەكپە-جەكتەردى Qazsport تەلەارناسى تىكەلەي ەفيردە كورسەتەدى.