سەناتورلار «جانۋارلارعا جاۋاپكەرشىلىكپەن قاراۋ تۋرالى» زاڭعا قاتىستى رەزونانس تۋدىرعان تۇزەتۋلەردى ماجىلىسكە قايتارۋدى ۇسىندى. بۇل تۋرالى سەنات اپپاراتىنىڭ باسشىسى ماكسيم سپوتكاي حابارلادى, دەپ جازادى Egemen.kz.
ماكسيم سپوتكايدىڭ ايتۋىنشا, زاڭ جوباسى سەنات قاراۋىنا تۇسكەننەن بەرى بەس رەت جۇمىس توبىندا قارالعان. وسى ۋاقىت ارالىعىندا ازاماتتاردان 300-دەن استام ءوتىنىش كەلىپ تۇسكەن. تالقىلاۋعا سەناتورلارمەن قاتار مەملەكەتتىك ورگانداردىڭ وكىلدەرى, جانۋارلاردى قورعاۋشىلار جانە قوعام بەلسەندىلەرى قاتىسقان. وڭىرلەردەن كەلگەن وكىلدەر دە قاڭعىباس جانۋارلار ماسەلەسىنە الاڭداۋشىلىق بىلدىرگەن.
«جۋىردا وتكەن «تازا قازاقستان» ەكولوگيالىق اكتسياسىندا مەملەكەت باسشىسى قاڭعىباس جانۋارلار ماسەلەسى ادام جاۋاپسىزدىعىنىڭ سالدارى ەكەنىن اتاپ ءوتتى. سونداي-اق پرەزيدەنت جانۋارلارعا دۇرىس قاراماۋ مەن ولارعا قاتىگەزدىك كورسەتۋ ءۇشىن جاۋاپكەرشىلىكتى كۇشەيتۋ قاجەت ەكەنىن ايتتى. قاسىم-جومارت توقاەۆ ماسەلە ۋشىعىپ كەتكەنىنە نازار اۋدارىپ, سوڭعى ۋاقىتتا قاڭعىباس يتتەردىڭ شابۋىلىنان بالالار عانا ەمەس, ەرەسەكتەر دە ءجيى زارداپ شەگىپ جاتقانىن جەتكىزدى. مۇنداي دەرەكتەر وڭىرلەردەن كەلىپ ءتۇسىپ جاتىر», دەپ جازدى ماكسيم سپوتكاي.
جانۋارلار تۋرالى زاڭعا ەنگىزىلگەن تۇزەتۋلەر: دەرەكتەر, تسيفرلار جانە وزگەرىستەردىڭ سەبەپتەرى
وسىعان بايلانىستى ماجىلىستەن كەلگەن زاڭ جوباسىنا بىرقاتار تۇزەتۋلەر ەنگىزۋ قاجەتتىلىگى تۋىنداعان.
سەناتورلار زاڭعا مىناداي وزگەرىستەردى ۇسىنىپ وتىر:
– قاڭعىباس جانۋارلاردىڭ سانىن رەتتەۋ ءتارتىبى مەن مەرزىمدەرىن ءار ءوڭىردىڭ ءماسليحاتتارى ءوز بەتىنشە ايقىنداۋى ءتيىس;
ءماجىلىس قابىلداعان نۇسقادا قاڭعىباس جانۋارلاردى پاناجايعا نەمەسە ۋاقىتشا ۇستاۋ پۋنكتىنە تاپسىرعاننان كەيىن بەس تاۋلىك وتكەن سوڭ ەۆتانازيا قولدانۋ قاراستىرىلعان بولاتىن;
– 15-باپتا قاڭعىباس جانۋارلاردىڭ سانىن رەتتەۋ كەزىندە «ەۆتانازيا» تەرمينىن قولدانۋدان باس تارتۋ ۇسىنىلدى;
– قاڭعىباس جانۋاردى انىقتاۋداعى نەگىزگى بەلگى ونىڭ يەسىنىڭ بولماۋى بولۋى ءتيىس, تەك ءچيپتىڭ بار-جوعىنا عانا سۇيەنۋ جەتكىلىكسىز. سەبەبى جاقىن ارادا, اسىرەسە شالعاي اۋىلداردا بارلىق ءۇي جانۋارلارىن تولىق چيپتەۋ ءىس جۇزىندە قيىن. بۇل تۇزەتۋ قۇقىق قولدانۋ تاجىريبەسىندەگى تاۋەكەلدەر مەن تەڭسىزدىكتەردىڭ الدىن الۋعا باعىتتالعان.
جانۋارلاردى قورعاۋ جانە قوعام قاۋىپسىزدىگى: قاڭعىباس يتتەردىڭ شابۋىلىنا قالاي توسقاۋىل قويامىز؟
«بۇدان بولەك, مازمۇندىق جانە قۇقىقتىق سيپاتتاعى وزگە دە بىرقاتار تۇزەتۋلەر ۇسىنىلدى. ولاردىڭ بارلىعى سالىستىرمالى كەستەگە ەنگىزىلىپ, سەناتتىڭ بەيىندى كوميتەتى زاڭ جوباسىن ماجىلىسكە كەرى قايتارۋدى ۇسىندى», دەدى سەنات اپپاراتىنىڭ باسشىسى.
قازاقستاندا يەسىز جانۋارلاردى تەگىن ۆاكتسيناتسيالاۋ توقتاتىلادى