اقش 2026 جىلعى فۋتبولدان الەم چەمپيوناتىنا قاتىستى ەرەكشە وقيعالارىمەن كوزگە ءتۇسىپ كەلەدى. بۇل جولى كوپشىلىكتىڭ نازارى وزبەكستان قۇراماسىنا اۋدى, دەپ حابارلايدى Egemen.kz
نيدەرلاندقا قارسى جولداستىق ويىن الدىندا وزبەك فۋتبولشىلارى مەن باپكەرلەر شتابى نيۋ-يوركتەگى ستاديونعا كىرەر كەزدە كۇشەيتىلگەن تەكسەرىستەن ءوتتى. وقيعا تۇسىرىلگەن ۆيدەو الەۋمەتتىك جەلىلەردە تەز تاراپ كەتتى. كادرلاردا قاۋىپسىزدىك قىزمەتكەرلەرىنىڭ ارنايى قىزمەتتىك يتتەرمەن بىرگە وزبەكستان قۇراماسىنىڭ ويىنشىلارىن مۇقيات تەكسەرىپ جاتقانى كورىنەدى.
قوسىمشا تەكسەرىستەن كوماندانىڭ باس باپكەرى, اتى اڭىزعا اينالعان يتاليالىق مامان فابيو كانناۆارو دا ءوتتى.
بۇل اقش-تا وتەتىن الداعى مۋنديال توڭىرەگىندەگى العاشقى داۋلى جاعداي ەمەس. بۇعان دەيىن يران قۇراماسىنا ويىن كۇندەرىنەن تىس ۋاقىتتا اقش اۋماعىندا بولۋعا شەكتەۋ قويىلعان ەدى. كوماندا مەكسيكاعا جايعاسىپ, اقش-قا تەك ماتچ كۇندەرى عانا كەلەتىن بولدى.
سونداي-اق امەريكالىق بيلىك ءاچ-2026 تۋرنيرىنە تورەشى رەتىندە شاقىرىلعان سوماليلىك اربيتر ومار ارتاندى ەلگە كىرگىزبەي قويعان.
فۋتبولدان الەم چەمپيوناتى-2026: ويىنداردىڭ تولىق كەستەسى مەن ۋاقىتى