الەۋمەتتىك جەلىلەردە الماتى وبلىسىندا وتكەن وقۋ-جاتتىعۋ بارىسىندا پوليتسەيلەردىڭ جاپپاي زارداپ شەككەنى تۋرالى اقپارات تارادى, دەپ حابارلايدى Egemen.kz
«جوسپارلى وقۋ-جاتتىعۋ بارىسىندا ادام ومىرىنە قاۋىپ توندىرمەيتىن قول جارىق-دىبىستىق گراناتاسىنىڭ مەرزىمىنەن بۇرىن جارىلۋى ورىن الدى. تەحنيكالىق وقيعا بولعان جەرگە جاقىن تۇرعان بولىمشە قىزمەتكەرلەرىنە دەر كەزىندە مەديتسينالىق كومەك كورسەتىلدى», دەلىنگەن پوليتسيا دەپارتامەنتى ءباسپاسوز قىزمەتىنىڭ رەسمي تۇسىنىكتەمەسىندە.
پوليتسيا دەپارتامەنتى قىزمەتكەرلەردىڭ جاپپاي جارىلىسقا ۇشىراعانى جانە ولاردىڭ اۋىر جاعدايدا ەكەنى تۋرالى اقپاراتتىڭ شىندىققا سايكەس كەلمەيتىنىن مالىمدەدى.