قىرعىز رەسپۋبليكاسىنىڭ بۇرىنعى ۇلتتىق قاۋىپسىزدىك مەملەكەتتىك كوميتەتىنىڭ توراعاسى قامشىبەك تاشيەۆكە ەكى باپ بويىنشا ايىپ تاعىلدى. بۇل تۋرالى ونىڭ ادۆوكاتى يكراميدين ايتكۋلوۆ مالىمدەدى, دەپ جازادى Egemen.kz.
ادۆوكاتتىڭ ايتۋىنشا, ەكس-شەنەۋنىككە «بيلىكتى كۇشپەن باسىپ الۋ نەمەسە ۇستاپ تۇرۋ, سونداي-اق كونستيتۋتسيالىق قۇرىلىستى كۇشپەن وزگەرتۋ ارەكەتتەرى» جانە «قىزمەتتىك وكىلەتتىكتەرىن اسىرا پايدالانۋ» باپتارى بويىنشا ايىپ تاعىلعان. اڭگىمە جەكە پايدا تابۋ ماقساتىندا نەمەسە وزگە دە جەكە مۇددە ءۇشىن جاسالعان, جاۋاپتى قىزمەت اتقارعان تۇلعاعا قاتىستى ارەكەتتەر جونىندە بولىپ وتىر.
قىرعىزستان پرەزيدەنتى تاشيەۆتى نەلىكتەن قىزمەتتەن العانىن ءتۇسىندىردى
سوتقا دەيىنگى تەرگەۋ اياسىندا قىمشىبەك تاشيەۆكە ەلدەن شىقپاۋ تۋرالى قولحات تۇرىندەگى بۇلتارتپاۋ شاراسى تاڭدالعان. ونىڭ ادۆوكاتى قورعاۋىنداعى ازاماتتىڭ تاعىلعان ايىپتاردى مويىندامايتىنىن ايتتى. تەرگەۋدەن كەيىن ول ىشكى ىستەر مينيسترلىگىنىڭ عيماراتىنان كەشكى ساعات 23:00 شاماسىندا شىققان.
بۇل ءىس اياسىندا قىرعىزستاننىڭ بۇرىنعى باس پروكۋرورى كۋرمانكۋل زۋلۋشەۆ پەن ەكس-پارلامەنت سپيكەرى نۋرلانبەك تۋرگۋنبەك ءۋلۋنىڭ دە اتى اتالادى. الايدا ولاردىڭ ءىس بويىنشا ناقتى مارتەبەسى ازىرگە بەلگىسىز.
ايتا كەتەيىك, سوڭعى ەكى كۇن قاتارىنان بۇرىنعى جوعارى لاۋازىمدى تۇلعالار ىشكى ىستەر مينيسترلىگىنە جاۋاپ الۋعا شاقىرىلعان. ۆەدومستۆو بۇل اقپاراتتى رەسمي تۇردە راستاعان دا, جوققا شىعارعان دا جوق.
جەمقورلىققا قاتىسى بار: قىرعىزستاندا قامشىبەك تاشيەۆتىڭ اعاسى ۇستالدى
بۇعان دەيىن قىرعىزستان پرەزيدەنتى سادىر جاپاروۆ «75 حاتقا» قاتىستى قامشىبەك تاشيۆەتىڭ ىقتيمال قاتىسى بار-جوعىن تەرگەۋ مەن سوت انىقتاۋى ءتيىس ەكەنىن ايتقان.