باتىس قازاقستان وبلىسىندا ەكى كاسىپورىن كيىك ەتىن زاڭدى تۇردە ساتاتىن بولدى, دەپ حابارلايدى Egemen.kz.
باتىس قازاقستان وبلىسىنىڭ ورمان شارۋاشىلىعى مەن جانۋارلار دۇنيەسىن قورعاۋ ينسپەكتسياسىنىڭ باسشىسى نۇرلان راحىمجانوۆتىڭ ايتۋىنشا, جاڭاقالا اۋدانىنداعى «ىزدەنىس» جشس جانە اقجايىق اۋدانىنداعى «باتىس-نىك» سەرىكتەستىكتەرى اقبوكەن ەتىن حالىققا زاڭدى تۇردە ساتاتىن بولادى.
نۇرلان راحىمجانوۆ باتىس قازاقستانداعى جاڭگىر حان اتىنداعى اگروتەحنيكالىق ۋنيۆەرسيتەتى دايىنداعان بيولوگيالىق نەگىزدەمەگە سايكەس, وڭىردەگى كيىكتەردىڭ سانى 500-560 مىڭنان اسپاۋى ءتيىس ەكەنىن اتاپ ءوتتى. بۇگىندە ولاردىڭ سانى 1 ميلليون 800 مىڭدى قۇرايدى.
كيىكتەردىڭ كوبەيۋى جايىلىمدىق جەرلەرگە زيان كەلتىرىپ, ەكولوگيالىق جاعدايعا كەرى اسەرىن تيگىزۋى مۇمكىن. سوندىقتان ساندى رەتتەۋ ءۇشىن بىرقاتار دايىندىق جۇمىستارى جۇرگىزىلىپ جاتىر. 19 قىركۇيەكتە ەكولوگيا جانە تابيعي رەسۋرستار مينيسترلىگى كيىكتەردى رەتتەۋگە جاتاتىن جانۋارلار قاتارىنا قوسۋ تۋرالى قاۋلى شىعاردى.