شىعىس قازاقستان وبلىسىنداعى مارقاكول قورىعىنىڭ اۋماعىنا بيىلعى جىلعى العاشقى قار جاۋدى, دەپ حابارلايدى Egemen.kz.
مارقاكول قورىعى الەۋمەتتىك جەلىدەگى رەسمي پاراقشاسىندا قار قىركۇيەكتىڭ 25-ىنەن 26-سىنا قاراعان ءتۇنى جاۋعانىن جازدى.
«قازگيدرومەت» رمك مالىمەتى بويىنشا, 26 قىركۇيەكتە شىعىس قازاقستان وبلىسىنىڭ شىعىسىندا تۇندە 2 گرادۋس اياز كۇتىلەدى.
ايتا كەتەيىك, قازاقستاننىڭ باسىم بولىگىندە انتيتسيكلوننىڭ اسەرىنەن جاۋىن-شاشىنسىز اۋا رايى ساقتالادى. تەك رەسپۋبليكانىڭ سولتۇستىگى مەن شىعىسىندا اتموسفەرالىق فرونتتاردىڭ اسەرىنەن جاڭبىر جاۋادى. رەسپۋبليكانىڭ بارلىق اۋماعىندا تۇندە جانە تاڭەرتەڭ تۇمان كۇتىلەدى, وڭتۇستىك-باتىستا, وڭتۇستىكتە جانە شىعىستا ەكپىندى جەل سوعادى.