ءتارتىپ ساقشىلارى ەسىرتكى زاتىن تاراتىپ ساتۋمەن شۇعىلدانعان كۇدىكتىنى قۇرىقتادى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
«قوستاناي وبلىسى پد پاترۋلدىك پوليتسيا روتاسىنىڭ قىزمەتكەرلەرى ەسىرتكى قىلمىسىنا قارسى ءىس-قيمىل باسقارماسىمەن بىرلەسىپ سولتۇستىك قازاقستان جانە قوستاناي وبلىستارىنىڭ اۋماعىندا ەسىرتكى زاتتارىن تاراتقان 26 جاستاعى كۇدىكتىنى ۇستادى. قوستاناي وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى نۇرجان احمەتوۆتىڭ ايتۋىنشا, وبلىس ورتالىعىنىڭ تۇرعىنى سالماعى شامامەن 1 كەلى بولاتىن ەسىرتكىنىڭ اسا ءىرى پارتياسى – گاشيشتى تاسىمالداۋ كەزىندە ۇستالعان. قازىرگى ۋاقىتتا پوليتسيا قر قك-ءنىڭ 297-بابى 3-بولىگى بويىنشا (ەسىرتكى, پسيحوتروپتىق زاتتاردى, ولاردىڭ انالوگتارىن جونەلتۋ نەمەسە وتكىزۋ ماقساتىندا زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ) بويىنشا سوتقا دەيىنگى تەرگەپ-تەكسەرۋدى باستادى. باپتىڭ سانكتسياسى م ۇلىكتى تاركىلەۋ ارقىلى 15 جىلعا دەيىن باس بوستاندىعىنان ايىرۋدى كوزدەيدى. قازىرگى ۋاقىتتا قوستاناي وبلىسىنىڭ اۋماعىندا ەسىرتكى قۇرالدارىن جەتكىزۋ جانە تاراتۋ ارناسىن ۇيىمداستىرۋعا قاتىسى بار ادامداردى انىقتاۋ بويىنشا جەدەل-ىزدەستىرۋ جانە تەرگەۋ ءىس-شارالارى جۇرگىزىلىپ جاتىر», دەلىنگەن حابارلامادا.
بيىلعى جىلدىڭ توعىز ايىندا پوليتسيا قىزمەتكەرلەرى ءابجىل ارەكەت ەتۋدىڭ ناتيجەسىندە 329 كەلى ەسىرتكى زاتتارىن زاڭسىز اينالىمنان تاركىلەدى.