پرەمەر-مينيستر ءاليحان سمايىلوۆتىڭ توراعالىعىمەن وتكەن كوميسسيا وتىرىسى بارىسىندا بالاباقشالارعا كەزەككە تۇرۋدى اۆتوماتتاندىرۋ ۇدەرىسى تۋرالى ماسەلە قارالدى, حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
وتىرىستا مەملەكەت باسشىسىنىڭ سايلاۋالدى باعدارلاماسىن ىسكە اسىرۋ شەڭبەرىندە ازىرلەنگەن مەكتەپكە دەيىنگى ۇيىمدار ءۇشىن ەسەپكە الۋدىڭ بىرىڭعاي بازاسىن قۇرۋ ماسەلەسى تالقىلاندى. ونى پيلوتتىق رەجيمدە بيىل قازان ايىندا ىسكە قوسۋ جوسپارلانىپ وتىر, ال 2024 جىلدىڭ قاڭتار ايىنان باستاپ بۇكىل رەسپۋبليكا بويىنشا قولدانىلادى.
پرەمەر-مينيستر بالاباقشاعا كەزەككە قويۋ جانە كەزەكتى جىلجىتۋ ۇدەرىسىن تولىق تسيفرلاندىرۋ ونىڭ اشىقتىعىن قامتاماسىز ەتىپ, سىبايلاس جەمقورلىقتىڭ الدىن الۋعا مۇمكىندىك بەرەتىنىن اتاپ ءوتتى.