تۇركىستان وبلىسىنا قاراستى وتىرار اۋدانىندا وندىرىلەتىن شۇبات ۇلتتىق سۋسىنى بۇگىندە بۇكىل قازاقستان نارىعىن قامتىپ وتىر. ۇلتتىق برەندىمىزدىڭ باعاسى قولجەتىمدى, ساپاسى جوعارى, دەپ جازادى Egemen.kz.
«وتىرار-ءسۇت-ەت» اۋىلشارۋاشىلىق وندىرىستىك كووپەراتيۆى جەرگىلىكتى بالاباقشالار مەن مەكتەپتەردىڭ بالالارىن ءبىر مەزگىل ءسۇت ونىمدەرىمەن قامتاماسىز ەتىپ كەلەدى.
تۇركىستان وبلىسى اكىمىنىڭ ءباسپاسوز قىزمەتى حابارلاعانداي, قازىرگى تاڭدا شارۋاشىلىق كۇنىنە 5000 ليتر تۇيە ءسۇتىن وندىرەدى ەكەن. مۇندا قازىر بارلىعى 12 ادام جۇمىسپەن قامتىلعان. ساقتالۋ مەرزىمىنە قاراي استانا مەن الماتى قالالارىنا جونەلتىلەدى. تۇتىنۋشىلاردىڭ كوبى - جەرگىلىكتى تۇرعىندار.
«كووپەراتيۆ ءوز ءونىمىن ءسۇتتىڭ مايلىلىعىن ساقتاي وتىرىپ دايىندايدى. شۇباتتىڭ ساقتالۋ مەرزىمى ۇزاق ەمەس. ەندى ۇجىم جاڭا يننوۆاتسيا جەلىسىمەن ۇنتاقتالعان شۇبات ءوندىرۋدى جوسپارلاپ وتىر. تۇيە ءسۇتى اعزاعا وتە پايدالى بولعاندىقتان, ءونىمنىڭ بۇل تۇرىنە سۇرانىس جوعارى», دەيدى كاسىپورىن توراعاسى نۇرسۇلتان احاەۆ.