جاڭا كەلىسىمشارت – جاڭا كەزەڭنىڭ باستاۋى

كەزدەسۋدە ەلىمىزدىڭ تەمىرجول سالاسىن جاڭعىرتۋ اياسىندا Wabtec كومپانياسىمەن اراداعى ىنتى­ماق­تاستىقتىڭ كەلەشەگى تالقى­لاندى. سونداي-اق پرەزيدەنتتىڭ اقش-قا ساپارى اياسىن­دا «قازاقستان تەمىر جولى» «ۇك» اكتسيو­نەرلىك قوعا­مى مەن Wabtec اراسىندا سترا­تە­گيالىق ىنتىماقتاستىق تۋرالى نەگىز­دەمەلىك كەلىسىمگە قول قويىلدى.

بۇدان بولەك, پرەزيدەنت ق.توقاەۆ «Citigroup» كومپانياسىنىڭ باس اتقارۋ­شى ديرەكتورى دجەين فرەيزەر­مەن كەلىسسوز جۇرگىزدى. كەزدەسۋ بارىسىندا امەريكالىق قارجى حولدينگىنىڭ ەلىمىزدەگى قىزمەت اياسىن كەڭەيتۋ مۇمكىندىگى تالقىلاندى.

جيىننان كەيىن «استانا» حا­لىق­ارالىق قارجى ورتالىعىنىڭ باسقارۋ­شىسى رەنات بەكتۇروۆ مەم­لەكەت باسشىسىنىڭ Wabtec جانە Citigroup كومپانيالارىنىڭ جەتەك­شى­لەرىمەن وتكىزگەن كەزدەسۋىنىڭ ناتي­جەلەرى جونىندە پىكىر ءبىلدىردى.

«بۇگىن نيۋ-يورك قالاسىندا ەكى كەزدەسۋ وتكىزدىك. ونىڭ ءبىرى – Wabtec كومپا­نياسى. ەكىنشىسى – Citibank. Wabtec كومپانياسى نە­­گى­زى ەلىمىزدە جيىر­ما جىلدان بەرى جۇ­­مىس ىستەپ كەلە­دى. قازىر استانادا مىڭعا جۋىق ادامدى جۇ­مىس­پەن قامتىپ وتىر. بۇل – امەري­كا­لىق لوكوموتيۆ وندىرەتىن كاسىپ­ورىن. بۇگىنگى جاڭا كەلىسىمشارت جاڭا كە­زەڭنىڭ باستالۋى. ياعني Citibank-ء­تىڭ قارجىلاندىرۋى ارقىلى Wabtec كومپانياسى ەلىمىزدە 240 جاڭا لو­كو­موتيۆ قۇراستىرماق», دەدى ر.بەكتۇروۆ.

ونىڭ ايتۋىنشا, مۇنداي كەلىسىم مەملەكەت باسشىسى ق.توقاەۆتىڭ ورتا ءدالىزدى دامىتۋ جونىندەگى تاپسىرماسىن ىلگەرىلەتۋگە سەپتىگىن تيگىزەدى. بۇل مامىلەنىڭ قۇنى 900 ميلليون دوللارعا تەڭ. پرەزيدەنت «ادىلەتتى مەملەكەت. ءبىر­تۇتاس ۇلت. بەرە­كەلى قوعام» جول­داۋىن­دا ەلىمىز­دىڭ قازىرگى گەوساياسي جاعدا­ي­دا ازيا-ەۋرو­پا اراسىنداعى اسا ما­ڭىزدى قۇر­لىق ءدالىزى بولىپ وتىرعا­نىن ايتا كەلىپ: ء«بىز بۇل مۇمكىندىكتى تولىق پاي­دا­لانىپ, الەمدىك ماڭىزى بار كولىك-تاسىمال تورابىنا اينالۋىمىز كەرەك», دەگەن ەدى.

Wabtec كومپانياسى «قازاقستان تەمىر جولى» كومپانياسىنىڭ لوكوموتيۆ بازاسىنىڭ 15 پايىزعا جۋىعىن جاڭار­تۋعا مۇمكىندىك بەرىپ وتىر. Citibank كورپوراتسياسى 900 ميلليون نەسيە بەرەدى. ول امەريكالىق ەكسيم­­بانك گارانتياسىمەن بەكىتىلگەن. سون­دىق­تان بۇل ماسەلە اقش كونگرەسىندە قارال­ماق. بۇل ەلىمىزدىڭ شەتەلدىك ينۆەس­تيتسيالارعا, سونىڭ ىشىندە امەريكالىق ينۆەستيتسياعا اشىق ءارى قىزىق ەكەنىن كورسەتەدى», دەدى ر.بەكتۇروۆ.

ەستەرىڭىزگە سالا كەتەيىك, Fortune 500-ءدىڭ تىزىمىنە ەنەتىن Wabtec (Westinghouse Air Brake Technologies Corporation) كومپانياسى كولىك جانە لوگيس­تيكا سالاسىنداعى الەمدىك كوشباس­شىلاردىڭ ءبىرى سانالادى. قازىرگى تاڭدا كومپانيادا 50-دەن استام ەلدەن 27 مىڭنان استام قىزمەتكەر جۇمىس ىستەيدى.