ۇكىمەت پرەزيدەنتتىڭ اۋىل شارۋاشىلىعى كووپەراتسياسى ارقىلى اۋىلداعى كاسىپكەرلىكتى دامىتۋ جونىندەگى تاپسىرماسىن بەلسەندى تۇردە جۇزەگە اسىرىپ كەلەدى. بۇل ماقساتتا «اۋىل اماناتى» جوباسى ىسكە اسىرىلىپ وتىر, ونىڭ شەڭبەرىندە اۋىل تۇرعىندارىنا جىلدىق 2,5%-بەن 5-7 جىل مەرزىمگە شاعىن نەسيە بەرىلەدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
جوبانىڭ ورىندالۋ بارىسى قر ۇكىمەتى اپپاراتى جانىنداعى «اۋىل اماناتى» جوبالىق كەڭسەسىنىڭ كەزەكتى وتىرىسىندا تالقىلاندى. جيىنعا پرەمەر-ءمينيستردىڭ ورىنباسارى ت.دۇيسەنوۆا قاتىستى. اۋىل شارۋاشىلىعى مينيسترلىگىنىڭ وڭىرلەردەگى جوباسىنىڭ ىسكە اسىرىلۋ بارىسى جانە جەرگىلىكتى اتقارۋشى ورگانداردىڭ بولىنگەن نەسيەلىك رەسۋرستاردى يگەرىلۋى تۋرالى ەسەپتەرى تىڭدالدى.
ماسەلەن, وسى جىلدىڭ 13 قىركۇيەگىندە 1388 اۋىلدىق وكرۋگتى قامتيتىن 42 ملرد تەڭگە سوماسىنا 7429 شاعىن نەسيە بەرىلدى. ونىڭ 85%-ى مال شارۋاشىلىعى سالاسىنا (35,8 ملرد تەڭگە), 7%-ى وسىمدىك شارۋاشىلىعىنا (2,8 ملرد تەڭگە), 5%-ى كووپەراتيۆتەر ءۇشىن اۋىل شارۋاشىلىعى تەحنيكاسى مەن جابدىقتارىن ساتىپ الۋعا جانە 2,6%-ى باسقا باعىتتارعا (1,1 ملرد تەڭگە) بەرىلگەن.
جيىن قورىتىندىسىنا سايكەس پرەمەر-ءمينيستردىڭ ورىنباسارى جاۋاپتى مەملەكەتتىك ورگاندار مەن وڭىرلەرگە وبلىس, اۋدان, اۋىلدىق وكرۋگ دەڭگەيىندە جوبالىق كەڭسەلەر قۇرۋ, تسيفرلىق پلاتفورمانى ازىرلەۋ پروتسەسىن جەدەلدەتۋ جونىندە تاپسىرمالار بەردى.
بارلىق دەڭگەيدەگى اكىمدىكتەرگە جىل سوڭىنا دەيىن اۋىلدىق وكرۋگتەرگە سكرينينگ جۇرگىزۋ, ولاردىڭ ەكونوميكالىق ماماندانۋىن ايقىنداۋ, سونداي-اق اۋىلدىق كووپەراتيۆتەر قۇرۋ جۇمىسىن جانداندىرۋ تاپسىرىلدى.
سونداي-اق جامبىل جانە اقتوبە وبلىستارىنىڭ وڭ تاجىريبەسى ۇسىنىلدى. وندا جوبانى ىسكە قوسۋ الگوريتمىنەن باستاپ, اۋىلدىق وكرۋگتەرگە سكرينينگ جۇرگىزۋ, اۋىل شارۋاشىلىعى كووپەراتسياسىن قۇرۋ, دايىن اۋىل شارۋاشىلىعى ونىمدەرىن وتكىزۋ تىزبەگىن ۇيىمداستىرۋ ۇدەرىسىن رەتتەي الدى.