ەلورداعا ارنالعان جىر كەشى

استاناداعى كونگرەسس-حولل سا­راي­ىندا حالىقارالىق “الاش” سىي­لىعىنىڭ لاۋرەاتى, اقىن سە­رىك تۇرعىنبەك ۇلىنىڭ “اسپان­نىڭ استى – استانا” اتتى شىعار­ما­شىلىق كەشى ءوتتى. كەڭ سارايدىڭ تۇندىگىن اقىن­نىڭ دوستارى مەن شىعارماشىلىق جولىنداعى ارىپتەستەرى شىرقاعان اندەر جەلپىلدەتىپ جىبەرگەندەي. اۆتورى سەرىك تۇرعىنبەك ۇلى بولىپ تابىلاتىن 20-دان استام اندەردىڭ قاي-قايسىسى دا كەشكە جينالعان قاۋىمنىڭ ريزاشىلىعىنا بولەندى. بىرىنەن سوڭ ءبىرى شىرقالعان اندەر استانالىقتاردىڭ قۇلاق قۇرىشىن قاندىردى. الدىمەن استانا قا­لا­لىق مەملەكەتتىك فيلارمو­نيا­سى­نىڭ ۇلت اس­پاپتار وركەسترى ورىن­دا­عان نۇر­عيسا تىلەنديەۆتىڭ “القيس­سا” كۇيى­نىڭ سۇيەمەلدەۋىمەن ساحنا تورىنە شىققان سەرىك تۇرعىن­بەك­ ۇلى ءوزىنىڭ “القيسسا” دەپ اتالاتىن جىر شۋما­عىن وقىدى. وسىدان كەي­ىن اقىندى شىعارماشىلىق كە­شى­مەن قۇتتىق­تاۋعا كەلگەن قازاق­ستان­نىڭ حالىق ءار­تىسى نۇرعالي ءنۇ­سىپ­جانوۆ “اقكول­دەن ۇشقان اققۋلار”, ال قازاق­ستان­نىڭ حالىق ءارتىسى ەسكەندىر حاسان­عا­ليەۆ ۇلى ءبىر­جان­مەن بىرگە اقىن­نىڭ سوزىنە جازىلعان “قۇتتى بول­سىن, تۋعان كۇنىڭ!”, “اق پەرىشتە” ءان­دەرىن شىرقادى. سون­داي-اق بەل­گىلى انشىلەر مارات وماروۆ, گۇلزيرا بوكەي­حان­قىزى ارنايى كەلىپ, ءوز ونەرلەرىمەن جۇرت­شىلىقتى ءتانتى ەتتى. سونداي-اق, شىعارماشىلىق كەش­تە باسقا دا انشىلەردىڭ ورىنداۋ­ىندا “ەر­كە قىز”, “سۇلۋىم”, “ەر ءجانى­بەك”, “اس­­تانا – ارۋ, استانا” ءان­دە­رى شىر­قالىپ, “كەيكى باتىر” ءجا­نە ء“سا­­كەن سۇڭقار” داستان­دا­رى­نان ءۇزىندى وقى­لىپ, تىڭدارماندار ىقى­لاسىنا بولەندى. تورعاي وبلىسى, جانگەلدين اۋ­دانى, توسىن قۇمىندا دۇنيەگە كەل­گەن اقىن قازاق رۋحانياتىنا مول ولجا سالدى دەسە دە بولادى. ونىڭ “مۇقاعالي” دراماسى وسى كۇنگە دەيىن ساحنادان تۇسپەي كەلە جاتسا, “اباي-ءبىرجان” دەپ اتالاتىن مۋزى­كالىق دراماسى سوڭعى ەكى جىلدان بەرى سەمەي تەاترىندا ءۇزىلىسسىز قويىلىپ كەلە جاتۋى بۇل ءسوزىمىزدىڭ تولىق ايعاعى دەسەك, “كەيكى باتىر” جانە “ساكەننىڭ سوڭعى كوكتەمى” درامالارى تەاتر ساحنالارىندا ءوز كەزەگىن كۇتىپ جاتقان كورىنەدى. سوڭعى جىلدارى اقىننىڭ “اسان اتا ىزىمەن”, “جەرورتا” اتتى كىتاپ­تارى دا جارىق كورىپتى. ءوز كەشىن “اسپاننىڭ استى – اس­تانا” دەپ اتاعان اقىن ونىڭ سىرىن مەملەكەتىمىزدىڭ ەلورداسى – بارشا قازاقتىڭ ماقتانىشى, كەلە­شەك ۇر­پاقتىڭ قالاسى ەكەندىگىمەن ءتۇسىن­دىرگەن. ءوز ءسان-سالتاناتىمەن, جوعارى دەڭگەيدە وتكەن كەشتەن تىڭدارماندار ۇيلەرىنە ريزاشى­لىقپەن قايتتى. ۆەنەرا تۇگەلباي.