بۇل تۋرالى اقوردانىڭ ءباسپاسوز قىزمەتى حابارلادى, دەپ جازادى Egemen.kz.
«بىرلەسكەن جۇمىستىڭ ناقتى باعىتتارىنا قاتىستى ءوزىمنىڭ ۇسىنىستارىمدى ورتاعا سالعىم كەلەدى. ەلدەرىمىز اراسىنداعى ساۋدا-ساتتىق قارقىنىن دايەكتى تۇردە ۇلعايتۋ قاجەت», دەدى قازاقستان پرەزيدەنتى.
مەملەكەت باسشىسى اتالعان سالادا ايتارلىقتاي ناتيجە بار ەكەنى بايقالاتىنىن, ايماق مەملەكەتتەرى اراسىنداعى ءوزارا ساۋدا تۇراقتى تۇردە ءوسىپ كەلە جاتقانىن, ءوزارا تاۋار اينالىمىن الداعى ۋاقىتتا 15 ميلليارد دوللارعا دەيىن جەتكىزۋ ءۇشىن مول مۇمكىندىك بار ەكەندىگىن اتاپ ءوتتى.
قاسىم-جومارت كەمەل ۇلىنىڭ ايتۋىنشا, قازاقستان وڭىردەگى ەلدەرگە ءوز ەكسپورتىن 175 شيكىزاتتىق ەمەس تاۋار ءتۇرى بويىنشا ۇلعايتا الادى.
«ەلدەرىمىزدىڭ ىسكەر توپتارى ساۋدا اينالىمىن كەڭەيتەتىن نەگىزگى جەتەكشى كۇش بولۋعا ءتيىس دەپ سانايمىن. سوندىقتان, مەنىڭ ويىمشا, ولارعا قولايلى ورتا قالىپتاستىرۋ جۇمىسىنا باسا ءمان بەرۋ كەرەك. كاسىپورىندار اراسىندا تىكەلەي بايلانىس ورناتۋ ءۇشىن تاۋار وندىرۋشىلەردىڭ بىرىڭعاي ەلەكتروندى بازاسىن قۇرۋدى ۇسىنامىز. مىسالى, ونى Central Asia Gateway پورتالى اياسىندا ىسكە اسىرۋعا بولادى», دەدى پرەزيدەنت.