كەشە كوكشەتاۋعا ەلىمىزدىڭ بارلىق ايماعىندا شاحمات سپورتىن دامىتۋدى جانە ناسيحاتتاۋدى ماقسات ەتكەن «شاحمات كەرۋەنى» رەسپۋبليكالىق جوباسىنىڭ وكىلدەرى كەلدى.
وبلىس ورتالىعىنداعى تاۋەلسىزدىك الاڭىندا كوكشە جۇرتشىلىعى اقسۇيەك ونەردىڭ اقسۇڭقارلارىن قۇشاق جايا قارسى الىپ, كەزدەسۋ ءراسىمى وتكىزىلدى. اقىل-ويدىڭ كەرۋەنى ەلىمىزدىڭ بارلىق ءوڭىرىن ارالاپ شىقپاق. بۇل جولعى ساپار پەتروپاۆل, قوستاناي, قاراعاندى قالالارى ارقىلى جالعاسپاق. سۇمبىلەنىڭ اق جاۋىنى قۇيىپ تۇرسا دا, كەزدەسۋگە كەلۋشىلەر قاتارى كوپ. وسىعان قاراپ-اق جەرلەستەرىمىزدىڭ شاحمات سپورتىنا دەگەن ىستىق ىقىلاسىن اڭعارۋعا بولادى. اعا بۋىننىڭ ايتۋىنا قاراعاندا, وسى ونەرگە ىنتىق جاستاردىڭ قاتارى كۇن سايىن ءوسىپ كەلەدى.
«شاحمات ويىنىنا مەملەكەت باسشىسى قاسىم-جومارت توقاەۆ مەيلىنشە نازار اۋدارىپ وتىر, – دەدى وبلىستىق ءماسليحاتتىڭ ءارى وبلىستىق شاحمات فەدەراتسياسىنىڭ توراعاسى بەيبىت ءجۇسىپوۆ. – بۇگىندە ەلىمىزدە 200 مىڭنان استام ادام سپورتتىڭ وسى تۇرىمەن اينالىسسا, ولاردىڭ تورتتەن ءبىرى – بالالار. بيىلعى قىركۇيەك ايىنان وڭىردەگى جالپى ءبىلىم بەرەتىن مەكتەپتەردە شاحمات فاكۋلتاتيۆتىك ساباق رەتىندە وتكىزىلە باستادى. قازىر وبلىستاعى 753 ۇيىرمەدە 7 مىڭعا جۋىق وقۋشى شاحمات سپورتىمەن شۇعىلدانادى.
كەرۋەندى قارسى الىپ, كوزايىم بولعان كوپشىلىك شاحمات جارىسىن ۇيىمداستىردى. جەڭىمپازدار 10 قاراشا كۇنى تۇركىستان قالاسىندا وتەتىن اقتىق سىنعا جولداما الادى.
كوكشەتاۋ