ۋوللينگفوردتا الەمدەگى ەڭ تانىمال دەتەكتيۆ اۆتورلارىنىڭ ءبىرى اگاتا كريستيدىڭ ءمۇسىنى اشىلدى, دەپ حابارلايدى Egemen.kz ITV تەلەارناسىنا سىلتەمە جاساپ.
قولادان قۇيىلعان ەسكەرتكىش قالامگەردىڭ تۋعان قالاسى ۋوللينگفوردتا ورىن تەپتى. اگاتا كريستي قولىنا كىتاپ الىپ, ساياباققا قاراپ وتىر. بۇل ساياباققا قاراما-قارسى جازۋشىنىڭ قۇرمەتىنە اشىلعان مۇراجاي بار.
«سالتاناتتى راسىمگە جۇزدەگەن ادام, ونىڭ ىشىندە جازۋشى مەتيۋ پريچاردتىڭ نەمەرەسى قاتىستى. سونداي-اق ءىس-شاراعا كريستيدىڭ دەتەكتيۆ روماندارىنداعى كەيىپكەرلەردىڭ كوستيۋمدەرىن كيگەن بىرنەشە اكتەر كەلدى, ولاردىڭ ءبىرى گەرمانيادان ارنايى شاقىرىلدى», دەپ حابار تاراتتى ITV تەلەارناسى.
اگاتا كريستيدىڭ كىتاپتارى – ادامزات تاريحىنداعى ەڭ كوپ جاريالانعان كىتاپتار. جازۋشىنىڭ ەڭبەكتەرى بىرنەشە تىلگە تارجىمالانعان.