دوللي قويىن كلونداعان عالىم يەن ۋيلمۋت قايتىس بولدى

عالىمنىڭ قايتىس بولعانى تۋرالى ارىپتەستەرى حابارلادى.

«پروفەسسور يەن ۋيلمۋتتىڭ قايتىس بولعانى تۋرالى حاباردى ەستىپ, قاتتى قايعىردىق. ول دوللي قويىن ەرەسەك جاسۋشادان كلونداعان عالىم ەدى. يەن ۋيلمۋت سول كەزدەگى عىلىمعا جاڭاشا كوزقاراس اكەلدى. بۇل جاڭالىق رەگەنەراتيۆتى مەديتسينا سالاسىنداعى وزگەرىستەرگە ءالى كۇنگە دەيىن وز سەپتىگىن تيگىزىپ كەلەدى», دەدى عالىمنىڭ ارىپتەستەرى.

ايتا كەتەيىك, ءدولليدى «دۇنيەگە اكەلۋ» ءۇشىن دونور-قويدىڭ جەلىنەن الىنعان يادرولار 277 انالىق جاسۋشاعا تاسىمالداندى. ولاردان كەيىن 29 ەمبريون پايدا بولىپ, تەك بىرەۋى, ياعني دوللي عانا امان قالعان. وسى جاسۋشادان اناسىنا اينا-قاتەسىز ۇقساعان جاڭا اعزا پايدا بولدى. وسى ادىسپەن «تۋعان» قويدى ينجەنەرلەر دوللي دەپ اتادى. وسىلايشا ول – كلونداۋ ادىسىمەن پايدا بولعان العاشقى سۇتقورەكتى بولدى.

بۇدان سوڭ يەن ۋيلمۋت كلونداۋ ءادىسى ارقىلى جەر بەتىندەگى تىرشىلىك يەلەرىنىڭ جويىلىپ كەتپەيتىنىنە سەنىم ءبىلدىردى.

ايتا كەتەيىك, يەن ۋيلمۋت 2012 جىلى ەدينبۋرگ ۋنيۆەرسيتەتىندەگى قىزمەتىنەن كەتكەن. التى جىلدان كەيىن وعان «پاركينسون اۋرۋى» دياگنوزى قويىلدى.