تۇركيا پرەزيدەنتى رەجەپ تايپ ەردوعان 3 قاراشادا قازاقستانعا رەسمي ساپارمەن كەلەدى. بۇل تۋرالى قر سىرتقى ىستەر ءمينيسترى مۇرات نۇرتىلەۋ حابارلادى, دەپ جازادى Egemen.kz.
«تۇركيا پرەزيدەنتىنىڭ تۇركى مەملەكەتتەرى ۇيىمىنىڭ 10-شى مەرەيتويلىق سامميتىنە ساپارى 3 قاراشاعا جوسپارلانعان. ءبىز ونى جوعارى دەڭگەيدە ۇيىمداستىرىپ, وتكىزۋگە كەلىستىك», دەدى مۇرات نۇرتىلەۋ تۇركيانىڭ سىرتقى ىستەر ءمينيسترى حاكان فيدانمەن كەزدەسۋ بارىسىندا.
ايتا كەتەيىك, تۇركىستاندا تۇركى مەملەكەتتەرى ۇيىمىنىڭ ونىنشى مەرەيتويلىق ءسامميتى وتەدى.