استانادا حالىقتىڭ الەۋمەتتىك وسال توپتارىنان شىققان مەكتەپ تۇلەكتەرىنە ەلوردانىڭ جوعارى وقۋ ورىندارىندا كۇندىزگى بولىمدە وقۋ اقىسىن تولەۋگە ارنالعان سەرتيفيكاتتار تابىس ەتىلدى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
ەلوردا اكىمدىگى استانانىڭ كەز-كەلگەن جوو-دا جەكە جانە مەملەكەتتىك دەڭگەيدە تەگىن وقي الاتىن مەكتەپ تۇلەكتەرىنە مىڭنان استام گرانت بولەدى.
قالانىڭ جوعارى وقۋ ورىندارىندا كۇندىزگى وقۋ نىسانىنا اقى تولەۋگە سەرتيفيكاتتار استانا قالاسىنىڭ جالپى ءبىلىم بەرەتىن مەكتەپتەرىنىڭ بيىلعى تۇلەكتەرىنە بەرىلەدى:
- جەتىم بالالار,- بالالار ءۇيىنىڭ تۇلەكتەرى,- بالا كەزىنەن مۇگەدەكتەر,- اتا-اناسىنىڭ قامقورلىعىنسىز قالعان بالالار,- كوپبالالى وتباسىلاردان شىققان بالالار – جان باسىنا شاققانداعى ورتاشا تابىسى ەڭ تومەنگى كۇنكورىس دەڭگەيىنەن اسپايتىندارعا اقشالاي تولەمدەر تۇرىندە – 213 240 تەڭگە.
بيىلعى وقۋ جىلىندا وقۋدى 30 ستۋدەنت اياقتادى, ونىڭ 29-ى ديپلومىن السا, 1-ەۋى رەسپۋبليكالىق گرانتقا كوشتى. 2008 جىلدان باستاپ بارلىعى 359 ستۋدەنت مامان بولىپ تىركەلدى.
«دالىرەك ايتساق بۇگىنگى تاڭدا 359 مامان شىعارىلدى. جىل سايىن بۇل باعىتقا قاراجات قاراستىرىلادى. 150-دەن استام ادام وقىپ جاتىر. تۇلەكتەرىمىزدىڭ ءبارى, ياعني 359-ىنىڭ ىشىندە 320 ادام جۇمىسقا ورنالاستىرىلدى», دەدى ەلوردانىڭ جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ مىندەتىن اتقارۋشى ەرلان ءجۇسىپوۆ.
ازاماتتاردىڭ جەكەلەگەن ساناتتارىنىڭ تۇلەكتەرى (ونىڭ ىشىندە وقۋىن جالعاستىرۋشىلار) 2023-2024 وقۋ جىلىنا بەكىتىلگەن ماماندىقتار تىزبەسىنە سايكەس باسىم ماماندىقتار – مەديتسينالىق, پەداگوگيكالىق جانە تەحنيكالىق ماماندىقتار بويىنشا وقيدى.
«بۇل ماعان بەرىلگەن وقۋ مۇمكىندىگى, ال اتا-اناما ۇلكەن جەڭىلدىك بولماق. بۇل ءبىزدىڭ وتباسىمىز ءۇشىن وتە ماڭىزدى. ساپالى ءبىلىم الىپ, كوكجيەگىمدى كەڭەيتىپ, بىلىكتى مامان بولامىن دەپ ويلايمىن», دەپ اتاپ ءوتتى گرانت يەگەرى ءلاززات تەمىربولاتوۆا.
بۇل جولى گرانت سەرتيفيكاتتارى 19 مەكتەپتىڭ تۇلەكتەرىنە ديزاين, اقپاراتتىق جۇيەلەر, قازاق ءتىلى مەن ادەبيەتى, كولىكتىك لوگيستيكا, جالپى مەديتسينا, پسيحولوگيا ماماندىقتارى بويىنشا بەرىلدى.