زاڭ جوبالارىنىڭ دايىندىعى قارالدى

كەشە پارلامەنت ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن پالاتا بيۋروسىنىڭ وتىرىسى ءوتتى. ەلىمىزدىڭ زاڭدارىنا ازامات­تار­دى ۇستاۋ نەگىزدەرى مەن ءتارتىبىن بەكىتۋ ماسەلەلەرىنە قاتىستى زاڭ جوباسىن ءبىرىنشى وقىلىمدا جانە ازاماتتىق زاڭنامانى جەتىلدىرۋدى كوزدەيتىن زاڭ جوبا ەكىنشى وقى­لىم­دا پالاتا تالقىسىنا شىعارى­لاتىن بولدى. كەدەن وداعىنا قاتىستى بىرقا­تار زاڭ جوبالارىنىڭ دايىندىعى ءمالىم ەتىلدى. سونداي-اق وسى با­عىت­تاعى زاڭدار قۇرامىندا “كەدەن وداعىنىڭ ۆەتەريناريالىق-ساني­تا­ريالىق شارالار جونىندەگى كەلىسى­مىن راتيفيكاتسيالاۋ تۋرالى”, “كە­دەن وداعىنىڭ وسىمدىكتەر كاران­تينى تۋرالى كەلىسىمىن راتيفي­كا­تسيا­لاۋ تۋرالى” جانە “كەدەن   وداعىنىڭ   سانيتاريالىق   شارا­لار  جونىندەگى كەلىسىمىن راتيفيكا­تسيالاۋ تۋرالى” زاڭ جوبالارى دا بار. سونىمەن قاتار, جالپى وتى­رىس­تىڭ قاراۋىنا قازاقستان رەس­پۋبليكاسى  مەن اۋعانستان يسلام رەس­پۋبليكاسىنىڭ ۇكىمەتتەرى ارا­سىنداعى ءبىلىم بەرۋ سالاسىنداعى ىنتىماقتاستىق تۋرالى كەلىسىمدى بەكىتۋدى كوزدەيتىن زاڭ جوباسى ۇسىنىلدى. بيۋرو وتىرىسىندا كەيبىر زاڭ­نامالىق اكتىلەرگە كولىك ماسە­لە­لە­رىن رەتتەيتىن زاڭ جوباسىن ەكىنشى وقىلىمدا تالقىعا سالۋعا بولاتى­نى ءمالىم ەتىلدى. “ەگەمەن-اقپارات”.