ەڭبەك جانە حالىقتى الەۋمەتتىك قورعاۋ ءمينيسترى تاعايىندالدى

«مەملەكەت باسشىسىنىڭ جارلىعىمەن سۆەتلانا قابىكەنقىزى جاقىپوۆا قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالدى, ول بۇرىنعى اتقارعان لاۋازىمىنان بوساتىلدى», دەلىنگەن اقپاراتتا.

سۆەتلانا قابىكەنقىزى 1968 جىلى قاراعاندى قالاسىندا دۇنيەگە كەلگەن. 1991 جىلى تسەلينوگراد مەملەكەتتىك پەداگوگيكالىق ينستيتۋتىن, 2006 جىلى الماتى ەكونوميكا جانە ستاتيستيكا اكادەمياسىن اياقتادى.

1984 – 1986 جىلدارى قاروي باستاۋىش مەكتەبىندە ۇزارتىلعان كۇن توبىنىڭ تاربيەشىسى, باستاۋىش سىنىپتاردىڭ مۇعالىمى بولىپ جۇمىس ىستەدى.

1986 – 1991 جىلدارى – تسەلينوگراد مەملەكەتتىك پەداگوگيكالىق ينستيتۋتىندا وقىدى.

1991 – 1995 جىلدارى - № 16 ورتا مەكتەبىندە, № 36 باستاۋىش ورتا مەكتەبىندە ماتەماتيكا ءپانىنىڭ مۇعالىمى بولدى.

1997 – 1998 جىلدارى «زەينەتاقى تولەۋ جونىندەگى مەملەكەتتىك ورتالىق» رمكق اقمولا قالالىق بولىمشەسى وپەراتسيالىق ەسەپ جۇرگىزۋ ءبولىمىنىڭ اعا مامانى, باس مامانى بولعان.

1998 – 2001 جىلدارى «زەينەتاقى تولەۋ جونىندەگى مەملەكەتتىك ورتالىق» رمكق اقمولا (استانا) قالالىق فيليالىنىڭ ەكونوميكالىق تالداۋ ءبولىمىنىڭ باس مامانى, باستىعى, فيليال ديرەكتورىنىڭ ورىنباسارى قىزمەتىن اتقاردى.

2001 – 2008 جىلدارى «زەينەتاقى تولەۋ جونىندەگى مەملەكەتتىك ورتالىق» رمكق اقمولا وبلىستىق فيليالىنىڭ ديرەكتورى بولدى.

2008 – 2011 جىلدارى قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى الەۋمەتتىك قامسىزداندىرۋ جانە الەۋمەتتىك ساقتاندىرۋ دەپارتامەنتى ديرەكتورىنىڭ مىندەتىن اتقارۋشى, ديرەكتورى قىزمەتىن اتقاردى.

2011 – 2013 جىلدارى – «ۇلتتىق اقپاراتتىق تەحنولوگيالار» اق جوبالاۋ ءوفيسى باعدارلامالار باسشىسى بولدى.

2013 جىلعى 19 تامىزدان باستاپ 2014 جىلعى تامىزعا دەيىن - قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى.

2014 جىلعى تامىزدان باستاپ - قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى بولىپ تاعايىندالدى.

2017-2019 جىلدارى قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ۆيتسە-ءمينيسترى بولدى.

ال بيىل ماۋسىمدا سۆەتلانا جاقىپوۆا حالىقتىڭ الەۋمەتتىك وسال ساناتتارىنىڭ قۇقىقتارى جونىندەگى ۋاكىل بولىپ تاعايىندالعان ەدى.