ىشكى ىستەر ءمينيسترى اۋىستى

مەملەكەت باسشىسىنىڭ جارلىعىمەن مارات مۇرات ۇلى احمەتجانوۆ ىشكى ىستەر ءمينيسترى لاۋازىمىنان بوساتىلدى. ونىڭ ورنىنا ەرجان ساپاربەك ۇلى سادەنوۆ تاعايىندالدى.

ەرجان سادەنوۆ 1968 جىلى شىعىس قازاقستان وبلىسى, كۇرشىم اۋدانى, قۇيعان اۋىلىندا دۇنيەگە كەلگەن. 

1993 جىلى س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىن, 1998 جىلى قر ۇقك قاراعاندى جوعارى مەكتەبىن تامامداعان.

قىزمەت جولى:

1993 جىلى شىعىس قازاقستان وبلىسى ءىىب اۋدانارالىق جەدەل-ىزدەستىرۋ ءبولىمىنىڭ جەدەل ۋاكىلى.

1994 جىلى شقو ءىىب جەدەل-ىزدەستىرۋ ءبولىمىنىڭ اعا جەدەل ۋاكىلى بولىپ تاعايىندالدى.

1995 – 1996 جىلدار ارالىعىندا شقو وسكەمەن قالاسى ءىىب جەدەل-ىزدەستىرۋ ءبولىمى جانىنداعى اۆتوكولىكتى ۇرلاۋ جانە ايداپ اكەتۋگە قارسى كۇرەس بولىمشەسىنىڭ باستىعى بولدى.

01.01.1996 - 19.03.1996 ارالىعىندا شقو وسكەمەن قالاسىنىڭ قىلمىستىق ىزدەستىرۋ ءبولىمى م ۇلىكتىك جانە ناشاقورلىق قىلمىستاردى اشۋ بولىمشەسىنىڭ باستىعى لاۋازىمىندا بولدى.

1997 – 1998 جىلدارى شقو ءىىب جەكە تۇلعاعا قارسى قىلمىستاردى اشۋ باسقارماسى ىزدەستىرۋ بولىمىنە باسشىلىق ەتتى.

1998 جىلى اقپان ايىندا شقو ءىىب اسا قاۋىپتى قىلمىستارعا قارسى كۇرەس باسقارماسىنىڭ اسا ماڭىزدى ىستەر جونىندەگى ءبولىمىنىڭ باستىعى لاۋازىمىنا تاعايىندالدى.

01.07.1998 - 17.02.2000 مەرزىمى ارالىعىندا شقو ءىىب اسا ماڭىزدى ىستەر جونىندەگى ءبولىمنىڭ باستىعى.

2000 جىلى شقو ءىىب زايسان اۋدانى ءىىو باستىعى لاۋازىمىنا تاعايىندالدى.

2004-2006 جىلدارى شقو قىىب تارباعاتاي اۋدانىنا ءىىو باسشىلىق ەتتى.

2006 جىلدىڭ قىركۇيەك ايىندا شقو ءىىد ەسىرتكى بيزنەسىمەن كۇرەس باسقارماسى باستىعى لاۋازىمىنا تاعايىندالدى.

2008-2009 جىلدارى شقو ءىىد ريددەر ق. ءىىو باستىعى.

2009 جىلدىڭ مامىر ايىندا شقو ءىىد وسكەمەن ق. ءىىب باستىعى لاۋازىمىنا تاعايىندالدى.

2009 جىلدىڭ تامىز ايىندا ماڭعىستاۋ وبلىسى ءىىد باستىعىنىڭ ءبىرىنشى ورىنباسارى لاۋازىمىنا اۋىستىرىلدى.

ودان كەيىنگى قىزمەتتىك جولى 2013 جىلدان 2015 جىلعا دەيىن قر ءىىم «ر» دەپارتامەنتىنىڭ باستىعى لاۋازىمىندا ءوتتى.

2015 جىلى كولىكتەگى ءىىد باستىعىنىڭ مىندەتىن اتقارۋشىسى لاۋازىمىنا تاعايىندالسا, ناۋرىز ايىندا كولىكتەگى ءىىد باستىعى لاۋازىمىنا تاعايىندالدى.

2016 جىلدىڭ ماۋسىم ايىنان 2019 جىلدىڭ ءساۋىر ايىنا دەيىن اقمولا وبلىسى پد باستىعى.

2019 ج.24.04.  - 2022 جىلدىڭ 26 قاڭتار ارالىعىندا استانا قالاسى پوليتسيا دەپارتامەنتىنىڭ باستىعى لاۋازىمىنا تاعايىندالدى

2022 جىلدىڭ 26 قاڭتارىنان باستاپ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى بولدى.