مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا اۋدان اكىمدەرىنە جەرگىلىكتى بيۋدجەتتى باسقارۋ قۇقىعى بەرىلەتىنىن ايتتى, دەپ حابارلايدى Egemen.kz.
«اۋدان اكىمدەرىنە جەرگىلىكتى بيۋدجەتتى باسقارۋ قۇقىعىن بەرگەن ءجون دەپ سانايمىن. بۇل, ەڭ الدىمەن, سول جەردەگى ماسەلەلەردى جەدەل شەشۋ ءۇشىن قاجەت. بۇدان بولەك, جەرگىلىكتى بيۋدجەتكە جينالاتىن سالىققا قاتىستى جەڭىلدىكتەردى انىقتاۋ قۇقىعىن ايماقتاردىڭ وزىنە بەرۋ ماسەلەسىن قاراستىرۋ كەرەك. بۇل شارا بيزنەستىڭ دامۋىنا ۇلكەن سەرپىلىس اكەلمەك. ۇسىنىلىپ وتىرعان باستاما وتە ماڭىزدى. كەلەشەكتە ايماقتاردىڭ تابىستى دامۋىنا ايرىقشا ىقپال ەتەدى.
سول سەبەپتى بارلىق اكىم بيۋدجەتارالىق قاتىناستاردىڭ جاڭا ۇلگىسىنە كوشۋ كەزىندە ونىڭ ءبىرتۇتاس مەملەكەتىمىزگە تيگىزەتىن پايداسى جانە تيىمدىلىگى تۋرالى ويلاۋى كەرەك», دەدى مەملەكەت باسشىسى.