مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا حالىقتىڭ تۇرمىس ساپاسىن جاقسارتۋعا باعىتتالعان شارالار تۋرالى ايتتى, دەپ حابارلايدى Egemen.kz.
پرەزيدەنت قازاقستان حالقىنا جولداۋىندا حالىقتىڭ تۇرمىس ساپاسىنا تىكەلەي اسەر ەتكەن كەيبىر شارالاردى اتاپ ءوتتى.
«2020 جىلدان بەرى مۇعالىمدەردىڭ جالاقىسى ەكى ەسە ءوستى. دارىگەرلەردىڭ ايلىعى دا ايتارلىقتاي كوبەيدى. قازىر ولاردىڭ تابىسى ەلىمىزدەگى ورتاشا جالاقىدان الدەقايدا جوعارى. جۇرتقا زەينەتاقى جيناعىنىڭ ءبىر بولىگىن پايدالانۋ مۇمكىندىگى بەرىلدى. ميلليونعا جۋىق ادام وسى جوبانىڭ يگىلىگىن كوردى – تۇرعىن ءۇي ماسەلەسىن شەشىپ, باسپانالى بولدى. «جايلى مەكتەپ» جوباسى اياسىندا 400-گە جۋىق مەكتەپ سالىنادى. قازىر اۋىلدىق جەردە 300-دەن استام دەنساۋلىق ساقتاۋ نىسانى سالىنىپ جاتىر. «ۇلتتىق قور – بالالارعا» جوباسى قولعا الىندى. سونىڭ ارقاسىندا جاڭا جىلدان باستاپ بالالاردىڭ ەسەپشوتىنا قاراجات تۇسە باستايدى. يگەرىلمەي جاتقان نەمەسە زاڭسىز بەرىلگەن 8 ميلليون گەكتار جەر مەملەكەت مەنشىگىنە قايتارىلدى», دەدى ول.
قاسىم-جومارت توقاەۆ جيىندا ناقتى ىسكە اسقان شارالاردىڭ ءبىر بولىگىن عانا اتاپ ءوتتى. شىن مانىندە, اتقارىلعان جۇمىس كوپ ەكەنى ءمالىم. پرەزيدەنت بولاشاقتا دا وسى يگى شارالار ءوز جالعاسىن تاباتىنىن ايتتى.