اقمولا وبلىسىنىڭ 12 تۇرعىنى اۋرۋحاناعا ءتۇستى. دارىگەرلەردىڭ ايتۋىنشا, 10 ادامنان ءسىبىر جاراسى انىقتالدى, تاعى 2 ادامنان اتالعان دەرتتىڭ بەلگىلەرى بايقالدى, دەپ حابارلايدى Egemen.kz اقمولا وبلىسىنىڭ سانيتارلىق-ەپيدەميولوگيالىق قاداعالاۋ باسقارماسىنا سىلتەمە جاساپ.
«جشس ديرەكتورىنىڭ ايتۋىنشا, 32 باس ءىرى قارا ولگەن. ولگەن مالدىڭ كوزى جويىلدى», دەپ مالىمدەدى باسقارما قىزمەتكەرلەرى.
ناۋقاستارمەن بايلانىستا بولعان 22 ادام انىقتالدى, ولار جارقايىڭ ورتالىق اۋداندىق اۋرۋحاناسىنىڭ مەديتسينا قىزمەتكەرلەرىنىڭ باقىلاۋىندا بولادى.
اۋىلعا كارانتين ەنگىزىلىپ, كىرەبەرىستە پوليتسيا جاساقتارى كۇزەت قويعان, كىرىپ-شىعاتىن كولىكتەر مەن تۇرعىندار دا قاتاڭ باقىلانادى.