اباي وبلىسىندا كونستيتۋتسيا كۇنى قارساڭىندا كوپبالالى وتباسىلار باسپانا كىلتىن الدى, دەپ حابارلايدى Egemen.kz.
اباي وبلىسى اكىمدىگىنىڭ مالىمەتىنشە, ساتىپ الۋ قۇقىعىنسىز جالعا بەرىلگەن باسپانا سەمەي قالاسىنىڭ كومسومول كەنتىندە ورنالاسقان. ەكى پاتەرلى ۇيلەردەگى ءبىر پاتەردىڭ اۋدانى 85 شارشى مەتردى قۇرايدى.
سەمەي قالاسىنىڭ اكىمى نۇربول نۇرساعاتوۆ مەملەكەتتىك تۇرعىن ءۇي قورىندا باسپانا الۋ كەزەگىندە تۇرعان 10 وتباسىعا كىلتتى تابىستاپ, قونىس تويىمەن قۇتتىقتادى.
- مەملەكەتتىڭ الەۋمەتتىك ساياساتتىڭ باستى باعىتتارىنىڭ ءبىرى - حالىقتى تۇرعىن ۇيمەن قامتاماسىز ەتۋ. بيىل سەمەي قالاسى بويىنشا كەزەكتە تۇرعان 122 وتباسىعا كىلتتەر تابىستالادى. بۇگىن كوپبالالى وتباسىلار جاڭا باسپاناعا يە بولدى. سىزدەرگە اماندىق, جايلىلىق پەن جاقسىلىق تىلەيمىن. قونىس تويى قۇتتى بولسىن! - دەدى قالا باسشىسى.ايتا كەتەيىك, وسى جىلدىڭ قىركۇيەك ايىندا تاعى 32 كوپبالالى وتباسى كومسومول كەنتىندەگى جاڭا ۇيلەرگە كوشەدى.
جالپى 2023 جىلى وڭىردە كوپبالالى وتباسىلارعا 43 تۇرعىن ءۇي, ال حالىقتىڭ الەۋمەتتىك وسال توپتارىنىڭ باسقا ساناتتارى ءۇشىن – 120 تۇرعىن ءۇي بەرىلدى. بيىل حالىقتىڭ الەۋمەتتىك تۇرعىدان ءالسىز توپ ساناتىنداعى 501 وتباسى مەن 117 كوپبالالى وتباسىن تۇرعىن ۇيمەن قامتاماسىز ەتۋ جوسپارلانعان.