ۇلكەن جۇلدە گروسسقا بۇيىردى

تۇڭعىش رەت پەتروپاۆل قالاسىندا ۇيىمداس­تىرىلعان بۇل بايقاۋدى ءتىل ساياساتى كو­ميتەتى مەملەكەتتىك ءتىلدى دا­مىتۋ جانە لينگۆيستيكالىق جۇمىستار باسقارماسىنىڭ باسشىسى گۇلفاريزا مۇقان قۇت­تىقتاۋ سوزبەن اشىپ: «الەمدەگى جاھاندانۋ ۇدەرىسى ءار حالىقتىڭ الدىنا وز­دەرىنىڭ ۇلتتىق رۋحاني-مادەني قۇن­دىلىقتارىن جانداندىرۋ مىندەتىن قويىپ وتىر. وسى رەتتە ءبىز ءۇشىن قازاق ءتى­لىنىڭ الەۋمەتتىك مارتەبەسىن جو­عا­رىلاتۋ, مەم­لەكەتتىك ءتىلدى رۋ­حاني-مادەني قۇندىلىق رەتىندە دارىپتەۋ اسا ماڭىزدى. بيىلعى بايقاۋ قىزمەت كور­سەتۋ سالاسى بويىنشا وت­كىزىلىپ وتىر», دەدى ول.

مەملەكەتتىك ءتىلدىڭ قول­دانىس اياسىن كە­ڭەي­تۋ ماقساتىندا ۇيىم­داستى­رىلعان بايقاۋ «جۇل­دىزدى ءسات», ء«سوز­دىڭ كوركى», «وي ۇشقىنى», «ۇشقىر سۇراق, ۇتقىر جاۋاپ» دەپ اتالاتىن ءتورت كەزەڭنەن قۇ­رالىپ, وعان وڭىرلەردەن ىرىك­تەلىپ كەلگەن ۇزدىكتەر قاتىس­تى.

ۇزدىكتەردى سارالاعان في­لولوگيا عىلىمدارىنىڭ دوكتورى قاسيەت كاكەن ۇلى باستاعان قازىلار القاسىنىڭ شەشىمىمەن باس جۇلدە پاۆلودار قالاسى حالىققا قىزمەت كورسەتۋ ورتا­لىعىنىڭ قىزمەتكەرى گروسس ينگاعا بۇ­يىر­سا, ءبىرىنشى ورىن­عا ورتا ازيا ين­نوۆا­تسيالىق ۋنيۆەرسيتەتىنىڭ «اۋ­دارما ءىسى» ماماندىعى بو­يىنشا 4-كۋرس ستۋدەنتى ين­تيزورا نۋسراتۋللاەۆا لا­يىقتى دەپ تانىلدى. ەكىنشى ورىندى ۇلى­تاۋ وبلىسى, قاراجال قا­لا­سى جايرەم كەن بايىتۋ كوم­بي­ناتىنىڭ باس مامانى ماك­سيم ەنتالتسەۆ جەڭىپ الدى. ءۇشىنشى ورىن «قازاقتەلكوم» اق فيليا­لىنىڭ كورپوراتيۆتىك بيزنەس جونىندەگى ساتۋ ۇدە­رىستەرىن قولداۋ سەكتورىنىڭ مامانى ادەليا مۋرزيناعا بۇيىر­دى. قالعان قاتىسۋشىلار ىن­تا­لاندىرۋ سىي­لىعىنا يە بولدى.