بۇل تۋرالى وقۋ-اعارتۋ مينيسترلىگىنىڭ ءباسپاسوز قىزمەتى مالىمدەدى, دەپ جازادى Egemen.kz.
ايتا كەتسەك, وقۋ-اعارتۋ مينيسترلىگى بالالاردى زورلىق-زومبىلىقتان قورعاۋ, ءسۋيتسيدتىڭ الدىن الۋ جانە ولاردىڭ قۇقىقتارى مەن ءال-اۋقاتىن قامتاماسىز ەتۋ جونىندەگى 2023-2025 جىلدارعا ارنالعان كەشەندى جوسپاردىڭ جوباسىن ازىرلەگەن. ۇلتتىق مونيتورينگ - بالالاردىڭ ءال-اۋقاتىنىڭ يندەكسى ەنگىزىلىپ وتىر. مەكتەپتەردىڭ پسيحولوگيالىق تۇرعىداعى قىزمەتتەرىنىڭ اۆتوماتتاندىرىلعان جۇيەسىن ىسكە قوسۋ جوسپارلانۋدا.
«قاۋىپسىزدىكتى قامتاماسىز ەتۋ ءۇشىن ءبىلىم بەرۋ ۇيىمدارىنىڭ 90%-ى ىشكى ىستەر ورگاندارىنىڭ جەدەل باسقارۋ ورتالىقتارىنا قوسىلعان, ليتسەنزياسى بار كۇزەتشىلەرمەن قامتاماسىز ەتىلگەن, دابىل تۇيمەلەرى ورناتىلعان. بۇل جۇمىستى 100 پايىزعا جەتكىزۋ كەرەك», دەدى وقۋ-اعارتۋ ءمينيسترى عاني بەيسەمباەۆ.
سونداي-اق ارنايى مەكتەپ اۆتوبۋستارىنىڭ پاركى جاڭارتىلىپ جاتىر. بالالاردىڭ قاۋىپسىزدىگىن قامتاماسىز ەتۋ ءۇشىن وقۋ ۇدەرىسىندە 27 مىڭ بالانى تاسىمالداۋ ءۇشىن 515 كولىك ساتىپ الىنعان.