بۇگىن تاجىكستاننىڭ مادەنيەت كۇندەرى اياسىندا ەلىمىزدىڭ باس قالاسىندا عۇلاما عالىم يبن سينا ءبيۋستىنىڭ سالتاناتتى اشىلۋ ءراسىمى ءوتىپ, وعان قازاقستان مەن تاجىكستاننىڭ مادەنيەت مينيسترلەرى, سونداي-اق استانا قالاسى اكىمدىگىنىڭ قىزمەتكەرلەرى مەن قازاق-تاجىك زيالى قاۋىمىنان وكىلدەر قاتىستى, دەپ جازادى Egemen.kz.
ويشىلدىڭ ەسكەرتكىشى استانا قالاسى الماتى اۋدانى ا.حراپاتىي كوشەسى, 9 ءۇي جانىنداعى ساياباقتا ورناتىلدى. قولا بيۋست تاجىك شەبەرلەرىنىڭ قولىنان شىقسا, گرانيتتى تۇعىردى ەلوردا اكىمدىگى ۇسىنعان. ەسكەرتكىشتىڭ بيىكتىگى - 3,1 مەتردى قۇرايدى.
«بۇگىن ەلدەرىمىزدىڭ اراسىندا ەكىجاقتى قاتىناستار تاريحىنداعى وتە ماڭىزدى كۇن. يبن سينا - بۇكىل ورتالىق ازيانىڭ ماقتانىشى, سوندىقتان بۇل ەسكەرتكىش ءبىزدىڭ ەلدەرىمىز اراسىنداعى تەرەڭ تاريحي بايلانىستى كورسەتەدى. مونۋمەنتتىڭ اشىلۋى - قازاقستانداعى تاجىكستاننىڭ مادەنيەت كۇندەرى اياسىندا وتەتىن ءىس-شارالاردىڭ ءبىرى. استانا, الماتى, شىمكەنت قالالارىندا كينو كورسەتىلىمدەرى, كونتسەرتتەر, كورمەلەر وتۋدە. اۋىل شارۋاشىلىعى جارمەڭكەلەرىن وتكىزۋ جوسپارلانعان», دەپ اتاپ ءوتتى قر مادەنيەت جانە سپورت ءمينيسترى اسحات ورالوۆ.