تۇركىستان وبلىسى وتىرار اۋدانىنىڭ كوكساراي ەلدى مەكەنى ماڭايىندا سىرداريا وزەنىنىڭ سۋىنا باتىپ كەتكەن 10-ىنشى ادامنىڭ ءمايىتى تابىلدى, دەپ جازادى Egemen.kz.
بۇگىن ساعات 10:40 شاماسىندا قۇتقارۋشىلار كامەلەتكە تولماعان ءجاسوسپىرىمنىڭ ءمايىتىن سۋدان الىپ شىققان.
ايتا كەتەيىك, سۋعا باتقان 11 ادامنىڭ 10-ى تابىلىپ وتىر. ەندى تاعى ءبىر كامەلەتكە تولماعان ءجاسوسپىرىمدى, ياعني, سۋعا باتىپ كەتكەن 11-ءىنشى ادامدى ىزدەستىرۋ جۇمىستارى جالعاسىپ جاتىر.
ىزدەستىرۋ شارالارىنا جالپى 150 بريگادا, 16 تەحنيكا, 6 ءجۇزۋ قۇرالى جۇمىلدىرىلدى.
ەسكە سالساق, ءبىر اۋلەتتەن شىققان 4 وتباسىنىڭ مۇشەسى دارياعا دەمالۋعا كەلىپ, سوڭى قايعىلى جاعدايمەن اياقتالعانى ءمالىم.