«Tasqyn» تاۋەلسىز انيماتسيالىق ستۋدياسى تۇسىرگەن «سەرىكتەس» ءفيلمى تامىز ايىندا فرانتسيانىڭ كۋرسەل-سيۋر-مەر قالاسىندا وتكەن حالىقارالىق «Animated Expressions Expo» فەستيۆالىندە قىسقامەتراجدى فيلمدەر اتالىمىندا ءبىرىنشى ورىندى جەڭىپ الدى.
«سەرىكتەس» – جوعالعان القانى ىزدەيتىن ەكى دەتەكتيۆ تۋرالى فيلم. يدەيا اۆتورى جانە رەجيسسەرى 28 جاستاعى اكەجان دانيار. العاشقى ەسكيزدەردى رەجيسسەر قازۇۋ ۇلتتىق ونەر ۋنيۆەرسيتەتىندە وقىپ جۇرگەن كەزىندە سالعان. يدەيانى «Tasqyn» انيماتسيالىق ستۋدياسىنا جۇمىسقا شاقىرىلعان سوڭ جۇزەگە اسىرا الدى. قىسقامەتراجدى ءفيلمدى شىعارۋ ءۇشىن جارتى جىل بويى 30 ادامنان تۇراتىن كوماندا – سۋرەتشىلەر, انيماتورلار, تسيفرلىق سۋرەتشىلەر, دىبىس ماماندارى جۇمىس ىستەدى.
«سەرىكتەس» ءفيلمى ارنايى فەستيۆال ءۇشىن تۇسىرىلگەندىكتەن, وعان دەيىن دايىندالعان مۋلتفيلمدەر ستيلىنە ۇقسامايدى. ول دوستىققا, بالالىق شاققا جانە ساعىنىشقا ارنالعان. مەن مەيىرىمدى جانە جارقىن تۋىندى جاساعىم كەلدى. ءار ادامنىڭ بالالىق شاعىنان جىلى ەستەلىكتەرى بار. سول ىستىق كەزەڭدى فيلمدە سيپاتتاۋعا تىرىستىم. «سەرىكتەس» كورەرمەننىڭ جان دۇنيەسىن قوزعايدى دەپ ويلايمىن», دەيدى رەجيسسەر.
«سەرىكتەستىڭ» بۇل جەتىستىگى – «Tasqyn» ستۋدياسى ءۇشىن العاشقى جەڭىس.
ء«بىزدىڭ ستۋديامىزدىڭ مىندەتى – قازاقستانداعى انيماتسيانى جاڭا دەڭگەيگە كوتەرۋ. وسى جانرداعى تۋىندىلارعا حالقىمىزدىڭ بىرەگەي مادەني مۇراسى مەن قۇندىلىقتارىن ەنگىزۋ. ءبىزدىڭ مۋلتفيلمدەر بالالارعا دا, ەرەسەكتەرگە دە قىزىقتى بولادى دەپ ەسەپتەيمىز. ال «سەرىكتەس» تالعامپاز قازاق كورەرمەندەرىمەن قاتار باسقا دا حالىقتاردىڭ اراسىندا قىزىعۋشىلىق تۋدىردى», دەيدى ستۋديا پروديۋسەرى ەركەجان بەكجىگىتوۆا.
«Tasqyn» تاۋەلسىز انيماتسيالىق ستۋدياسى ءوز جۇمىسىن 2022 جىلى باستاعان. ءبىر جىلدىڭ ىشىندە ستۋديا ەلدەگى ەڭ ءىرى انيماتسيالىق بىرلەستىكتەردىڭ بىرىنە اينالدى. قازاقستاننىڭ تۇكپىر-تۇكپىرىنەن جينالعان دارىندى جانە شىعارماشىل 70 سۋرەتشى ستۋديانىڭ كومانداسىن قۇرعان. تسيفرلىق سۋرەتشىلەردىڭ جاستارى 17 مەن 25 ارالىعىندا. ستۋديانىڭ youtube ارناسىنان كورەرمەن جۇرەگىن جاۋلاپ العان فيلمدەرىن تابا الاسىز.