2024 جىلى ەڭ تومەنگى جالاقى مەن زەينەتاقى قانشا بولادى؟

اتالعان جوباعا سايكەس, 2024 جىلعى 1 قاڭتاردان باستاپ: ەڭ تومەنگى جالاقى (مۆت) – 70 000 تەڭگە; ايلىق ەسەپتىك كورسەتكىش (اەك) – 3692 تەڭگە; مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى – 28 215 تەڭگە; ەڭ تومەنگى زەينەتاقى – 57 853 تەڭگە; بازالىق الەۋمەتتىك تولەمدەردىڭ مولشەرىن ەسەپتەۋ ءۇشىن ەڭ تومەنگى كۇنكورىس دەڭگەيى – 43 407 تەڭگە بولماق.

سونداي-اق جاسى بويىنشا جانە ەڭبەك ءوتىلى بويىنشا زەينەتاقى تولەمدەرىن 9,0%-عا ارتتىرۋ كوزدەلگەن.

ءمامس تولەۋگە جاتاتىن مىندەتتى مەديتسينالىق ساقتاندىرۋعا مەملەكەت جارنالارىنىڭ مولشەرى مەملەكەتتىك جارنالاردى ەسەپتەۋ وبەكتىسىنىڭ 1,9%-ى بولادى.

اسكەري قىزمەتكەرلەرگە (شۇعىل اسكەري قىزمەتكەرلەردى قوسپاعاندا) جانە ارناۋلى مەملەكەتتىك جانە قۇقىق قورعاۋ ورگاندارىنىڭ, مەملەكەتتىك فەلدەگەرلىك قىزمەت قىزمەتكەرلەرىنە تۇرعىن ءۇيدى ۇستاۋعا جانە كوممۋنالدىق تولەمدەردى تولەۋگە ارنالعان اقشالاي وتەماقى مولشەرى وزگەرمەيدى جانە 3 739 تەڭگە بولادى.

زاڭ جوباسى 4 قىركۇيەككە دەيىن «اشىق نقا» سايتىنا جاريالانعان.