«جاقسى بولسا جاعدايىڭ, بەس كۇن قونىپ قايتايىن» دەگەندەي, ەلىمىزگە كەلگەن شەتەلدىك قوناقتاردىڭ قانشا كۇن ەل اۋماعىندا اۋناپ-قۋنايتىنى بەلگىلى بولدى.
eQonaq اقپاراتتىق جۇيەسىنىڭ دەرەگىنشە, ەلىمىزگە تۋريستىك ماقساتپەن كەلەتىن اقش, گەرمانيا, وڭتۇستىك كورەيا جانە ءۇندىستان ازاماتتارى ورتا ەسەپپەن 4 كۇن وتكىزەدى ەكەن.
«eQonaq جۇيەسى – ەلىمىزگە كەلگەن تۋريستەردىڭ كەلىپ-كەتۋىن باقىلاۋ جانە تالداۋ, ورنالاستىرۋ ورىندارىنىڭ ءتىزىلىمىن قۇرۋ, ت.ب. بىرنەشە ماڭىزدى قىزمەتتى اتقارادى. باستى ماقسات – تۋريستەرگە كورسەتىلەتىن قىزمەتتەردىڭ اشىقتىعى مەن ساپاسىن ارتتىرۋ. جۇيەگە 3 214 ورنالاسۋ قىزمەتىن ۇسىناتىن كاسىپكەرلىك نىسانى تىركەلگەن», دەدى مادەنيەت جانە سپورت مينيسترلىگىنىڭ ءباسپاسوز حاتشىسى ءمولدىر ابدۋاليەۆا.
ەلىمىزدە ايالداۋ مەرزىمى بويىنشا وزبەكستان ازاماتتارى كوش باستاپ تۇر. كورشى ەلدىڭ تۋريستەرى ەلىمىزدە 10 كۇنگە دەيىن تۇراقتايدى. ال رەسەيدەن كەلەتىن تۋريستەر – 6 كۇن, بەلارۋس ازاماتتارى – 5 كۇن, گەرمانيا تۋريستەرى 4 كۇن قونسا, قىتاي ازاماتتارى ەلىمىزدە 3,5 كۇن وتكىزەدى ەكەن.