تارازداعى قونىس تويى

«وتباسى بانكىنە» 10 پايىز كو­لە­مىندە سالىم سالىپ, جاڭا پا­تەرگە قول جەتكىزگەن ازاماتتارعا ارنالعان تۇرعىن ۇيلەردى قالالىق اكىمدىك سالعان. بارلىق جاعداي جاسالعان پاتەردىڭ ءبىر شارشى مەترى نارىقتاعى باعادان الدە­قاي­دا تومەن. ناقتىراق ايتار بولساق, قونىس تويىن تويلاعاندار پاتەردىڭ ءاربىر شارشى مەترى ءۇشىن 160 مىڭ تەڭگەدەن تولەمەك.

شاھارداعى ەڭ ۇلكەن شاعىن اۋدانعا قونىس اۋدارعان جاڭا پاتەر يەلەرىن وبلىستىق ءماسلي­حات­تىڭ توراعاسى ابدالى نۇرا­ليەۆ, تاراز قالاسىنىڭ اكىمى باقىتجان ورىنبەكوۆ, «وتباسى بانك» اق باسقارما ءتورايى­مىنىڭ ورىنباسارى نۇرلان اقشانوۆ پەن جامبىل وبلىستىق فيليالىنىڭ ديرەكتورى نۇرلان سۇلتانوۆ قۇتتىقتاپ, قۋانىشقا ورتاقتاستى.

تاراز قالاسىنىڭ اكىمى باقىتجان ورىنبەكوۆتىڭ اي­تۋىن­شا, سوڭعى ءتورت جىلدىڭ بەدە­رىندە قالا بويىنشا 5 800 تۇر­عىن پاتەرلى بولعان.

«كەيىنگى ءتورت جىلدا مەملە­كەت­تىك باعدارلامالار ارقىلى 3 844 ازامات باسپانالى بولعانىن ايتا كەتكەن ءجون. سونىمەن قاتار پاتەر كەزەگىندە تۇرعان 1 956 وتباسى باقىت شامىن جاقتى. وسى جىلى قالا اۋماعىندا 42 تۇرعىن ءۇيدىڭ قۇرىلىسىن جۇرگىزىپ, جىل قورىتىندىسىندا 2 820 پاتەردى پايدالانۋعا بەرۋدى جوسپارلاپ وتىرمىز. قازىرگى كەزگە دەيىن 460 پاتەرلى 6 ءۇيدىڭ قۇرىلىس جۇمىستارى اياقتالدى. ەلىمىز بويىنشا قولجەتىمدى تۇرعىن ءۇي ساياساتىن دامىتۋعا ايرىقشا باسىمدىق بەرىلىپ وتىرعانى بەلگىلى. بۇگىندە «باقىتتى وتباسى» باعدارلاماسى اياسىندا شاھاردىڭ ءبىراز تۇرعىنى « ۇلى دالا» شاعىن اۋدانىنان باسپانالى بولىپ وتىر. بۇل جۇمىستار الداعى ۋاقىتتا دا لايىقتى جال­عاسىن تابادى», دەيدى تاراز قالا­سىنىڭ اكىمى ب.ورىنبەكوۆ.

«وتباسى بانك» اق جامبىل وبلىستىق فيليالىنىڭ ديرەكتورى نۇرلان سۇلتانوۆ كەل­تىرگەن دەرەكتەرگە سايكەس اتال­عان باعدارلاما بويىنشا جامبىل وبلىسىندا بيىل 342 وتباسى جاڭا پاتەرگە قونىستانادى. ولار­دىڭ تاڭداۋىنا 460 پاتەر ۇسى­­نىلادى. بۇگىنگى تاڭدا «2-10-20» باعدارلاماسى اياسىندا ەلىمىز بو­يىنشا 16 مىڭنان اسا وتباسى جەكە پاتەر ساتىپ الۋ مۇم­كىندىگىنە يە بولدى. بانك قىز­مەتكەرلەرى مۇقتاج ازامات­تارعا قولدان كەل­گەن كومەكتى اياعان جوق. باعدار­لا­ماعا قاتىسۋشىلار ءۇشىن جا­عىمدى جاڭالىق بار ەكەنىن ايتا كەتكەن ءلازىم. بيىل بانككە رەسپۋبليكالىق بيۋد­جەتتەن 20 ملرد تەڭگە قارا­جات ءبولىندى. باعدارلاماعا قى­زىق­قان باسقا قاتىسۋشىلار 2 پ­ا­يىزدىق مولشەرلەمەمەن جەڭىل­دە­تىلگەن زاەم الا الادى. الداعى ۋاقىتتا جاڭا وتىنىمدەردى قابىلداۋ باستالادى. بۇل تۋرالى قوسىمشا حابارلايمىز. بۇعان قوسا تۇرعىندار نارىقتىق باعدارلاما ارقىلى 50 پايىز سالىم سالىپ, پاتەر الا الاتىنىن دا ايتا كەتكەن ءجون. وعان بارلىق ازامات قاتىسا الادى», دەيدى «وتباسى بانك» اق باسقارما ءتورايىمىنىڭ ورىنباسارى نۇرلان اقشانوۆ.

تۇرعىن ءۇي-كوممۋنالدىق ينفراقۇرىلىمدى دامىتۋدىڭ 2023-2029 جىلدارعا ارنالعان تۇجىرىمداماسىنا سايكەس «2-10-20» باعدارلاماسىنىڭ شارتتارىنا وزگەرىستەر ەنگىزىلگەن. ەندى جەتىم جانە اتا-اناسىنىڭ قامقورلىعىنسىز قالعان بالالار, سونداي-اق I جانە II توپتاعى مۇگەدەكتىگى بار ادامدار ساناتتارى بويىنشا تۇرعىن ۇيگە كەزەكتە تۇرعان ازاماتتار دا باعدارلاماعا قاتىسا الادى.

قالاداعى ەڭ ۇلكەن شاعىن اۋدانعا قونىستانعان جاڭا پاتەر يەلەرىنىڭ قۋانىشىندا شەك جوق. اڭساعان ارمانىنا جەتكەن ولاردىڭ بال-بۇل جانعان جۇزىنەن شاتتىقتىڭ تابى ايقىن سەزىلەدى.

«كەز كەلگەن ادام ءوزىنىڭ جەكە ءۇيىنىڭ بولعانىن قالايدى عوي. جانتايىپ جاتقان ادامعا باق قونبايتىنى الىمساقتان ايان. ءبىراز جىل بۇرىن «وتباسى بانككە» قاجەتتى سوماداعى سالىمدى سالۋدى باستادىم. ال 2020 جىلى كەزەككە تۇردىم. شىنىن ايتۋ كەرەك, بانكتىڭ مەنەدجەرلەرى بىزگە بار ىنتاسىمەن كومەك كورسەتتى. ولار بار بىلگەنىن بىزگە ءتۇسىندىرىپ, باسپانالى بولۋىمىزعا اتسالىس­­­تى. اللانىڭ قالاۋىمەن بۇگىن سول قۋانىشتى كۇنگە دە جەتىپ وتىرعان جايىمىز بار. بانك اۋەلى ءوتىنىش يەلەرىن رەزەرۆكە قويادى, كەيىن نەگىزگى تىزىمگە قوسادى. مەن ءۇش بولمەلى پاتەردى 16 جىلعا الىپ وتىرمىن. الايدا ۇستىندەگى ۇستەمەاقىسى 2 پايىز ەكەنىن ەسكەرسەك, مەن ءۇشىن وتە ءتيىمدى. وسى ساناتقا جاتاتىن بارلىق وتباسى باسپانالى بولسا دەگەن تىلەگىم بار. ويتكەنى ءار قازاق باقىتتى عۇمىر كەشۋگە لايىقتى», دەيدى بەس بالانىڭ اناسى قالامقاس امەتاليەۆا.

بيىل جامبىل وبلىسىنىڭ 5 400-دەن اسا تۇرعىنى بولاشاقتا جىلجىمايتىن م ۇلىك ساتىپ الۋ ماقساتىندا جاڭا دەپوزيتتەر اشقان.

ء«ۇش جىل بۇرىن كەزەككە تۇرۋدىڭ ناتيجەسىندە بۇگىن ءۇش بولمەلى پاتەردىڭ كىلتىن الدىم. ەرىنبەي سالىم سالعان ادام ماقساتىنا جەتەدى ەكەن. «2-10-20» باعدارلاماسى اياسىندا بۇگىن راسىمەن دە باقىتتى كۇي كەشىپ تۇرمىز. كوپبالالى وتباسىلارعا قولدان كەلگەن كومەگىن اياماي, كەڭەس بەرگەن بانك قىزمەتكەرلەرىنىڭ ەڭبەگى جانا بەرسىن. بارلىق كوپبالالى وتباسى جاڭا باسپاناعا قول جەتكىزىپ, قۋانىشقا كەنەلسىن. جاڭا ۇيگە قونىس اۋدارعانداردىڭ دەنى ۋاقىتىندا جالدامالى پاتەردە تۇرعانى بەلگىلى. قىسقاسى, ەرىن­بەي سالىم سالعان وسى سانات­تاعى وتبا­سىلاردىڭ ەڭبەگى ەلەۋسىز قال­مايتىنىنا ەشقانداي كۇمان جوق», دەيدى ءتورت بالانىڭ اناسى التىنشاش قۇلاحمەتوۆا.

ۋاقىت وتكەن سايىن «2-10-20» باعدارلاماسى اياسىندا باسپانالى بولىپ جاتقان وتباسىلاردىڭ سانى ارتا ءتۇستى. جامبىل وبلىسىندا بيىلدىڭ وزىندە ءتيىستى ساناتقا جاتاتىن 300-دەن اسا وتباسىنىڭ جاڭا ۇيگە كوشەتىنى جانعا جىلۋ ۇيالاتادى.

تاراز