شوتلاندياداعى قىلقوبىز ءۇنى

شوتلانديا استاناسىنداعى فەس­­­ت­ي­ۆال قالىپتاسقان ءداستۇر بو­­يىنشا تامىز ايىندا ءۇش اپتا بويى وتكىزىلەدى. ونى جىل سايىن ەكى ميلليونعا جۋىق كورەرمەن تاماشالايدى. بۇل اۋقىمدى ءىس-شاراعا الەمدەگى ەڭ ۇزدىك ورىنداۋشىلاردىڭ تەاترلاندىرىلعان, مۋزىكالىق, بي قويىلىمدارى كىرەدى. وسى جولى اتالعان فەستيۆال كورەرمەندەرىنىڭ نازارىنا قازاقستان ونەرى العاش رەت ۇسىنىلاتىن بولادى. EEGERU ءانسامبلىنىڭ فەستيۆالگە ساپارى «دارا» قايىرىمدىلىق قورى قولداۋىمەن ۇيىمداستىرىلدى.

EEGERU كونتسەرتى 27 ت­ا­مىز­­دا Queen's Hall ساحنا­سىن­دا وتەدى. انسامبل قازاق­ستان كومپوزيتورلارىنىڭ شىعار­ما­لارىن, سونداي-اق شەتەلدىك اۆتور­لار­دىڭ بىرنەشە كومپوزيتسيالارىن­ ورىندايدى. اتاپ ايتقاندا, ەدين­­بۋرگتە العاش رەت قۋات شىلدە­باەۆ­تىڭ­ «قاراكەمەر» جانە ارتىق توقسان­باەۆتىڭ My Respect to You, Mr. Tattimbet تۋىندىلارى ورىندالادى. كونتسەرتتىڭ ەرەكشە ءنومىرى – شوت­لاند كومپوزيتورى كلەر دجونس­تون­نىڭ EEGERU ءانسامبلى ءۇشىن ارنايى جازعان Call of The Mountains كومپوزيتسياسى بولادى. كومپوزيتور شىعار­ماسىندا تەك كلاسسيكالىق اكۋس­تيكالىق جانە تسيفرلىق اسپاپتاردى عانا ەمەس, سونداي-اق قازاق قىلقوبىزىن دا قوسقان.

سونىمەن قاتار ساپار اياسىندا EEGERU-ءدىڭ ەرەكشە قا­جەت­­­تى­لىكتەرى بار مۋزىكانتتار­ مەن كومپوزيتورلاردىڭ مۇم­كىن­دىگىن كەڭەيتۋمەن اينالىساتىن­ شوت­لان­­ديانىڭ جەتەكشى ينك­ليۋزيۆتى ونەر ۇيىمى Drake Music Scotland قا­بىرعاسىندا ونەر كورسەتۋى جوس­­­پارلانعان. قازاقستاندىق ارتىس­­تەر شوتلاند ارىپتەستەرىنە شەبەرلىك ساباعىن وتكىزىپ, ولاردى قىلقوبىز ۇلتتىق اسپابىمەن, ونىڭ مۇمكىندىكتەرىمەن تانىستىرادى.

ء«بىز وسىنداي اۋقىمدى فەس­تي­ۆالگە قازاقتىڭ زاماناۋي مۋزىكاسىن پاش ەتۋگە بارعالى جاتىرمىز. سونداي-اق ينكليۋزيۆتى مۋزىكالىق ءبىلىم بەرۋدە شەتەلدىك ارىپتەستەرىمىزدەن تاجىريبە الماسامىز. قازاقستاندا ينكليۋزيا ماسەلەلەرىمەن جۇيەلى تۇردە ەكسپەريمەنتتەرگە اشىق جانە ءوزىنىڭ تىڭ جوبالارىمەن بەلگىلى «دارا» قورى اينالىسادى. قوردىڭ يگىلىكتى جوسپارلارىنىڭ ىشىندە ءبىر باعىت مۋزىكامەن, مۋزىكالىق بىلىممەن بايلانىستى. قازىرگى الەمدەگى ينكليۋزيۆتى وقىتۋ جاڭا تەحنولوگيا­لارمەن تىكەلەي قاتىستى جانە شوتلاند مۋزىكانتتارى بۇل باعىتتى كوپتەگەن جىل بويى دامىتىپ كەلەدى. ءبىز شوتلاند مۋزىكانتتارى مەن مۋزىكا اۋەسقويلارىنىڭ قازاق مۋزىكاسىنا دەگەن قۇشتارلىعىن وياتامىز دەگەن ۇمىتتەمىز», دەيدى EEGERU ءانسامبلىنىڭ ديرەكتورى راۋشان جۇمانيازوۆا.

«مۇلدەم باسقا مۋزىكالىق ستيل­دە ەكسپەريمەنت جاساۋعا جانە وعان ءوز شىعارماشىلىق پوتەنتسيالىن قوسۋعا دايىن وسىنداي ىنتالى­ مۋزى­كانتتارمەن جۇمىس ىستەۋ ەكى تاراپ ءۇشىن دە قىزىقتى جانە قۇندى تاجىريبە بولدى. وعان قوسا, ۇدەرىستە تەك كلاسسيكالىق اسپاپتار مەن تەمبرلەر عانا ەمەس, سونىمەن قاتار جۇزدەگەن جىلدارعا سوزىلعان تاريحى بار ءداستۇرلى اسپاپتاردى دا قولداندىق. EEGERU-مەن بىرگە ءبىز قازاق حالىق اسپاپتارىنىڭ دىبىسىن بريتاندىق اۋديتورياعا, اسىرەسە ءداستۇرلى مۋزىكاعا دەگەن ۇلكەن قۇشتارلىعى بار شوتلاندياعا جەتكىزەتىنىمىزگە قۋانىشتىمىن», دەيدى شوتلاند كومپوزيتورى كلەر دجونستون.

EEGERU زاماناۋي مۋزى­كا­ ءانسامبلى 2015 جىلى س. باي­تە­رە­كوۆ­تىڭ باستاماسىمەن قۇرىلعان. EEGERU ءارتۇرلى ەلدىڭ جە­تەك­شى كومپوزيتورلارىمەن بىر­لەسە جۇمىس ىستەيدى. ۇجىمنىڭ ءىرى حالىقارالىق جوبالارىنىڭ قاتا­رىن­دا Nauryz XXI (2016, 2018) جانە EEGERU Connect. Made in Germany (2019) زاماناۋي مۋزىكا فەس­تي­ۆالدەرى, Beethoven. Mute مۋزى­كالىق-تەاترلىق قويىلىمى (2020), «مۋزىكا وسۋششەستۆلەنيا 41» جوباسى (2022) بار. انسامبل حالىق­ارالىق ۇيىمدارمەن (قازاق­ستان گەتە ينستيتۋتى, بريتان كە­ڭەسى, تسەليننىي) ءساتتى جۇمىس جۇر­گىزىپ كەلەدى. ال Drake Music Scotland – مۇمكىندىگى شەكتەۋلى جان­دارعا مۋزىكا جازۋعا مۇمكىندىك بەرە­تىن شوتلانديانىڭ جەتەكشى ونەر ۇيىمى. ونىڭ ينكليۋزيۆتى مۋزى­كالىق تەحنولوگيالار جانە وقىتۋدىڭ ارنايى ادىستەرى سالا­سىن­داعى تاجىريبەسى بارلىق جاس­تا­عى شەكتەۋلى مۇمكىندىكتەرى بار ادام­دار­عا ءوز بەتىنشە ويناۋعا, ۇيرەنۋگە جانە مۋزىكا جازۋعا كومەكتەسەدى. Drake Music-ءتىڭ كورنەكتى جوبالارىنا مىنالار جاتادى: Digital Orchestra – شوتلاندياداعى ال­عاش­قى مۇمكىندىگى شەكتەۋلى جاس­تار وركەسترى, ارنايى جانە جالپى ءبىلىم بەرەتىن مەكتەپتەرگە ارنالعان باس­تى ءبىلىم بەرۋ باعدارلاماسى; Figurenotes نوتالاردى وقىتۋ جۇيە­سىن ەنگىزۋ.

«دارا» قايىرىمدىلىق قو­رى­ جەتىم بالالار مەن ءبىلىم الۋ­دا­ ەرەكشە قاجەتتىلىكتەرى بار بالا­لار­دىڭ ءومىر ءسۇرۋ جاعدايلارىن جاق­سارتۋعا, الەۋمەتتەندىرۋگە جانە دامۋ مۇمكىندىكتەرىن كەڭەيتۋگە باعىتتالعان جوبالاردى ىسكە اسىرادى. قوردىڭ جوبالارى بالالاردى وقىتۋ, شىعارماشىلىق داعدىلارىن دامىتۋ, وڭالتۋ جانە ماماندىق الۋ ءۇشىن قولداۋ كورسەتۋ سياقتى ماڭىزدى سالالارعا باعىتتالعان. 15 جىل ىشىندە قور 40 مىڭنان استام بالاعا كومەكتەسىپ, 140-تان استام مەملەكەتتىك جانە قوعامدىق ۇيىمداردى قولدادى, 30-دان استام جوبانى جۇزەگە اسىردى.