بەلارۋستە ءوتىپ جاتقان ءىى تمد ەلدەرى ويىندارىندا قازاقستان قۇراماسىنىڭ قورجىنىنا تاعى ءبىر التىن مەدال ءتۇستى.
كەشە كاراتەشىلەر سايىسىندا ليا قوشقارباەۆا اسقان شەبەرلىك تانىتىپ, كاتا جاتتىعۋىندا الدىنا جان سالمادى. كۇمىس مەدالدى اننا ششەربينا (رەسەي) يەلەنسە, زاحرا گۋربانزادە (ازەربايجان) مەن ناتاليا فيليۋكوۆا (رەسەي) قولاعا قول سوزدى. ال كۋميتەدەن 75 كيلو سالماقتا ونەر كورسەتكەن ءابىلمانسۇر باتىرعالي كۇمىسپەن كۇپتەلدى. ەستەرىڭىزگە سالا كەتەيىك, بەلارۋستە العاش رەت قازاق ەلىنىڭ ءانۇرانىن ماكسيم سكازوبتسوۆ شىرقاتتى. باتتەرفلياي ادىسىمەن 100 مەترلىك قاشىقتىقتى ول 53,61 سەكۋندتا ءجۇزىپ ءوتتى. باس جۇلدەنىڭ تاعى ەكەۋىن سامبوشىلار يەلەندى. اتاپ ايتساق, 58 كيلو سالماقتا جاسۇلان ناريمانوۆ قارسىلاس شاق كەلتىرمەدى. فينالدا ول قىرعىزستاندىق قايرات ءجۇسۋلدى جەڭدى. 71 كيلو سالماق دارەجەسىندە ارنۇر قۋانتايعا تەڭ كەلەر ەشكىم تابىلمادى. شەشۋشى تۇستا قانداسىمىز رەسەيلىك يۆان اگافونوۆتان ايلاسىن اسىردى.
قازىرگى كەزدە اتالعان جارىستىڭ جالپى كوماندالىق ەسەبىندە قازاقستان قۇراماسى بەسىنشى ورىندا كەلەدى. قورجىنىمىزدا 38 (4+13+21) جۇلدە بار. ءبىزدىڭ الدىمىزدا – رەسەي (124+76+42), بەلارۋس (34+60+99), وزبەكستان (24+16+45) جانە ازەربايجاننىڭ (8+14+30) سپورتشىلارى.