شوقان ءۋاليحانوۆ اتىنداعى وبلىستىق امبەباپ عىلىمي كىتاپحاناسى ۇجىمىنىڭ ۇيىتقى بولۋىمەن قازاق ادەبيەتىنىڭ كلاسسيگى, قازاقستاننىڭ ەڭبەك ەرى, مەملەكەتتىك سىيلىقتىڭ لاۋرەاتى, جازۋشى اكىم ءتارازيدىڭ 90 جىلدىق مەرەيتويىنا وراي ء«بىر ءوڭىر – ءبىر كىتاپ» اكتسياسى اياسىندا «اسىل ءسوزدىڭ ۇستاسى» تاقىرىبىندا ادەبي كەش وتكىزىلدى. ءىس-شارا بارىسىندا قالامگەر شىعارماشىلىعىن زەردەلەۋ ايى رەسمي تۇردە اشىلعانى حابارلاندى.
اكىم ءتارازيدىڭ ولمەس تۋىندىلارى مەن شىعارماشىلىق جولىن ءوڭىر تۇرعىندارى, اسىرەسە جاستار اراسىندا كەڭىنەن ناسيحاتتاۋ ماقساتىندا ۇيىمداستىرىلعان ادەبي كەشكە جەرگىلىكتى قالامگەرلەر قاتىسىپ, جازۋشىنىڭ قازاق ادەبيەتىندەگى ءرولى جايلى تولعامدى ويلارىن ورتاعا سالدى.
ءىس-شاراعا قاتىسقان مارتەبەلى مەيماندار زوبالاڭ مەن زۇلماتقا تولى جىلداردا دۇنيە ەسىگىن اشقان قالامگەردىڭ بالالىق شاعى ەكىنشى دۇنيەجۇزىلىك سوعىس جىلدارىمەن تۇسپا-تۇس كەلگەنىن, ءداۋىر سىرىن جانىمەن ۇققان جازۋشىنىڭ, دارا سۋرەتكەردىڭ شىعارمالارى قاي ۋاقىتتا دا قالىڭ وقىرماننىڭ جۇرەگىنەن ورىن تاپقانىن ءسوز ەتتى.
قاي جانرعا قالام تەربەسە دە, قاتارلاستارىنا ۇقساماۋعا تىرىسىپ, ءفاني جالعاننىڭ شىندىعىن وزىنشە كوركەم بەينەلەپ, زامانداستارىنىڭ ءارتۇرلى وبرازىن جاساپ, ولاردىڭ ىشكى الەمىنە تەرەڭ ۇڭىلگەن قالامگەر تۋرالى اقىن, جازۋشى ۇلاربەك نۇرعالىم ۇلى دا ءوز پىكىرىن بەينەۇندەۋ ارقىلى جولداپ, الدىڭعى تولقىن شىعارمالارى تۋرالى ويىمەن ءبولىستى.
ادەبي كەش بارىسىندا قازاق ۇلتتىق ونەر ۋنيۆەرسيتەتىنىڭ پروفەسسورى, قازاقستان كينەموتوگرافيستەر وداعىنىڭ مۇشەسى نازيرا مۇقىشەۆا دا بەينەجولداۋ ارقىلى اكىم ءتارازيدىڭ ۇلتتىق كينەماتوگرافيا ورتالىعىنىڭ جۇمىسىن جولعا قويىپ, «ارمان-اتامان», «تۇلپاردىڭ ءىزى» فيلمدەرىن ءتۇسىرىپ, «قاراش-قاراش وقيعاسى» ءفيلمىن جاساۋعا قاتىسقانىن جەتكىزدى.
ءىس-شارا سوڭىندا كىتاپحانا قىزمەتكەرلەرى جەرگىلىكتى جاستاردى كلاسسيك جازۋشىنىڭ قۇندى دۇنيەلەرىن وقۋعا شاقىرىپ, «تارازيتانۋ» ايلىعىن اشىق دەپ جاريالادى.
تاراز