اقىن, عالىم, قوعام قايراتكەرى ولجاس سۇلەيمەنوۆتىڭ ءومىرى مەن شىعارماشىلىعى تۋرالى بەس كىتاپ جارىق كوردى. ەڭبەكتەردى دايارلاعان – بەلگىلى جۋرناليست ەسكەندىر ەرتاي. جيناقتىڭ تانىستىرىلىمى اقىننىڭ 90 جىلدىعىنا ارنالعان حالىقارالىق فورۋم اياسىندا ءوتتى.
ولجاس سۇلەيمەنوۆ تۋرالى «ولجاس – ون مولودوي» اتتى ەڭبەك 2016 جىلى جارىق كورگەن ەدى. كەيىن بۇل ىزدەنىس جالعاسىپ, جاڭا كىتاپتارمەن تولىقتى. اقىننىڭ 90 جىلدىق مەرەيتويىنا وراي جارىق كورگەن ء«وسىرىس زاڭى» مەن «جەر الەمىنىڭ ەلشىسى» كىتابىنىڭ تۇساۋى الماتىدا وتكەن حالىقارالىق فورۋم بارىسىندا كەسىلدى.
كورنەكتى اقىن, قوعام قايراتكەرى ءارى «نەۆادا–سەمەي» حالىقارالىق انتيادرولىق قوزعالىس كوشباسشىسى ولجاس سۇلەيمەنوۆتىڭ مەرەيتويىنا ارنالعان ء«وز جەرىنىڭ ەلشىسى» اتتى VII حالىقارالىق ەۋرازيا مادەنيەتتەرىن جاقىنداستىرۋ فورۋمىنا قازاقستانمەن بىرگە فرانتسيا, رەسەي, تۇركيا, ازەربايجان, قىرعىزستان, وزبەكستان, تاجىكستان, قىتاي مەن اقش سىندى ەلدەردىڭ مادەنيەت, عىلىم مەن ادەبيەت وكىلدەرى قاتىستى.
فورۋمنىڭ پلەنارلىق وتىرىسىندا پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا مەملەكەت باسشىسى قاسىم-جومارت توقاەۆتىڭ مەرەيتوي يەسىنە جولداعان قۇتتىقتاۋىن جەتكىزدى.
«ولجاس سۇلەيمەنوۆتىڭ ءومىر جولى – وتانعا ادالدىقتىڭ, جوعارى ازاماتتىق ۇستانىمنىڭ جانە جالپىادامزاتتىق قۇندىلىقتارعا بەرىكتىكتىڭ جارقىن ۇلگىسى. ونىڭ شىعارماشىلىعى قازاق ادەبيەتىنىڭ عانا ەمەس, الەمدىك رۋحانياتتىڭ دا ماڭىزدى قۇبىلىسىنا اينالدى», دەلىنگەن قۇتتىقتاۋدا.
«قازاق وقىرمانىنا ولجاس سۇلەيمەنوۆتىڭ بولمىسىن كەڭىنەن تانىستىرعىم كەلدى. ونىڭ عالامدىق ويلاۋ جۇيەسى, ادامزات تاريحى مەن بولاشاعىنا قاتىستى پايىمدارى قىزىقتىردى. اسىرەسە ء«وسىرىس زاڭى» ەڭبەگىندەگى تىڭ كوزقاراستار ەرەكشە اسەر ەتتى», دەيدى اۋدارماشى ەسكەندىر ەرتاي.
قالامگەردىڭ ايتۋىنشا, «بايتاق» پارتياسىنىڭ ولجاس سۇلەيمەنوۆتى نوبەل سىيلىعىنا ۇسىنۋ باستاماسىن قولداۋ ماقساتىندا كەزەكتى جيناققا «جەر الەمىنىڭ ەلشىسى» دەگەن اتاۋ بەرىلگەن.
ولجاس ومار ۇلىنىڭ شىعارماشىلىق جانە قوعامدىق قىزمەتىن ناسيحاتتاۋعا ۇلەس قوسىپ جۇرگەن ەسكەندىر ەرتاي تۇركى دۇنيەسى كەڭىستىگىن نىعايتۋعا اتسالىسقان ارىپتەستەرىنە العىس ايتىپ, بارشا جۋرناليست قاۋىمىن كاسىبي مەرەكەمەن قۇتتىقتادى.