بۇگىن ەل اۋماعىندا اۋا رايىنىڭ تۇراقسىز سيپاتى ساقتالىپ, نايزاعاي ويناپ, جاڭبىر جاۋادى, دەپ حابارلايدى Egemen.kz.
سينوپتيكتەردىڭ بولجاۋىنشا, ەلدىڭ سولتۇستىگىندە كۇندىز قاتتى جاڭبىر جاۋادى, سولتۇستىگىندە, سولتۇستىك باتىسىندا, شىعىسىندا بۇرشاق جاۋادى, شىعىستا داۋىل سوعادى. رەسپۋبليكانىڭ بارلىق اۋماعىندا جەل كۇشەيۋى مۇمكىن. سولتۇستىك پەن سولتۇستىك باتىستا تۇندە جانە تاڭەرتەڭ تۇمان بولادى.
كۇندىز شىعىس قازاقستان, قاراعاندى, قىزىلوردا, الماتى, جامبىل, اتىراۋ, جەتىسۋ, ۇلىتاۋ, اباي وبلىستارىندا, اقتوبە وبلىسىنىڭ وڭتۇستىگىندە 35-40 گرادۋس قاتتى ىستىق بولجانعان.
ال ماڭعىستاۋ, سولتۇستىك قازاقستان جانە اقمولا وبلىستارىندا جاڭبىر جاۋادى.
ەسكە سالايىق, بۇعان دەيىن ماۋسىم جانە تامىز ايلارى ادەتتەگىدەن ىستىق بولاتىنى تۋرالى حابارلادىق. بۇل ەكى ايدا قازاقستان اۋماعىندا اۋا تەمپەراتۋراسى كليماتتىق نورمادان 1-2 گرادۋسقا جوعارى بولۋى مۇمكىن.