الماتىدا قوعامدىق كولىك اقىسى قىمباتتادى

اكىم ورىنباسارىنىڭ ايتۋىنشا, مەگاپوليستە جول ءجۇرۋ قۇنى 11 جىلدان استام ۋاقىت بويى وزگەرمەگەن.

«قازىرگى تاريف تاسىمالداۋشىلاردىڭ شىعىندارىن وتەمەيدى, ويتكەنى جول ءجۇرۋدىڭ ناقتى قۇنى بەكىتىلگەننەن 3 ەسە قىمبات. وسىعان بايلانىستى اكىمدىك اي سايىن تاسىمالداۋشىلاردىڭ شىعىستارىن سۋبسيديالار تۇرىندە جاۋىپ وتىرادى. 2020-2022 جىلدار كەزەڭىندە تولەنگەن سۋبسيديالار سوماسى 115,8 ملرد تەڭگەنى قۇرادى», دەپ ءتۇسىندىردى اسقار ءامرين.

رەسمي اقپاراتقا زەر سالساق, وتكەن ونجىلدىقتا كولىكتە جول ءجۇرۋ باعاسى رەسپۋبليكا بويىنشا باسقا قالالاردا بىرنەشە رەت وزگەردى. ماسەلەن, قازىر ءبىر ايلىق ابونەمەنتتىڭ قۇنى وسكەمەندە - 9 000 تەڭگەدەن جوعارى, قاراعاندىدا – 6 000 تەڭگەدەن تومەن, الماتىدا – 7 500 تەڭگە.

«قولما-قول اقشاسىز تولەممەن 100 تەڭگە جانە قولما-قول تولەممەن 200 تەڭگە مولشەرىندە جاڭا تاريفتەردى قولدانۋ بيىلعى جىلى سۋبسيديالار سوماسىن شامامەن 10 ملرد تەڭگەگە تومەندەتۋگە مۇمكىندىك بەرەدى. ولاردى باسقا دا الەۋمەتتىك ماڭىزى بار جوبالارعا قايتا بولۋگە بولادى», دەپ تۇسىندەدى اسقار ءامرين.