بۇگىن, 8 تامىزدا وقۋ-اعارتۋ ءمينيسترى عاني بەيسەمباەۆ استاناداعى مەكتەپ اۋلالارىنىڭ بىرىندە بالانىڭ قايتىس بولۋى وقيعاسىنا قاتىستى ۇكىمەت وتىرىسىندا پىكىر ءبىلدىردى, دەپ حابارلايدى Egemen.kz.
ءمينيستردىڭ ايتۋىنشا, قازىر مەكتەپتە بولعان ولىمنەن كەيىن تەرگەۋ جۇرگىزىلىپ جاتىر.
«كەشەدەن باستاپ ءبىلىم باسقارماسىنا مەكتەپتەردىڭ بارلىق سپورت الاڭدارىن تەكسەرۋ تاپسىرماسى بەرىلدى. استانادا عانا ەمەس, ەلىمىزدىڭ بارلىق وڭىرىندە دە سپورت الاڭدارى مەن جابدىقتارى تەكسەرىلەدى», دەدى عاني بەيسەمباەۆ.ايتا كەتەيىك, استانادا 7 تامىزدا 10 جاسار بالانىڭ ۇستىنە فۋتبول قاقپاسى قۇلادى. وقۋشى جاراقات الىپ, قايتىس بولدى. ەلوردالىق ءبىلىم باسقارماسى بۇل فاكتى بويىنشا قىلمىستىق ءىس قوزعالعانىن, قايعىلى وقيعانىڭ بارلىق ءمان-جايى انىقتالىپ جاتقانىن اتاپ ءوتتى.